|
خلاصة ما انتهى اليه الخبراء مع الزيت المناسب للفيرنا
كتير يا اصدقائى من الفيرناوية احتاروا من صوت البلوف او الكوستيبانات وناس كتير كانت فاكرة ان ده عيب او محتاج يتغير وان ده عيب شائع فى الفيرنا
ولمن لا يعرف الكوستيبانات او البلوف هى عبارة عن بلوف فعلا تعمل بضغط الزيت وهى ما يوازى عمل التاكيهات فى بعض المواتير نرجع لموضوعنا البلوف دى زى ما اشارنا انها تعمل بضغط الزيت طيب ايه اللى بيخلى صوتها يعلى وخصوصا والعربية باردة او الصبح طبعا نوع الزيت المستخدم ودرجة لزوجته يعنى لو الزيت درجة لزوجته عالية وتقيل طبيعى هنسمع صوت الخشانة الغلس بتاع البلوف يبقى الحل ايه ؟ نستخدم زيت تخليقى (synthetic Oil) متعدد الدرجات لزوجته 5W/40 طيب يا ترى حد جرب الزيت ده ؟ ايوة العبد لله النهاردة غيرت بعد حوالى سنتين من استخدامى للزيت المعدنى اللى كان بيسمعنى احلى مزيكا للبلوف على مدار السنتين اللى فاتوا دول ونزلت الزيت القديم بلا رجعة وحطيت زيت Visco 5000 5w/40 ده يا جماعة زيت تخليقى مطور يعمل بتقنية حماية المحرك الفريدة ((الدرع النظيف )) والتي تمنع تراكم الأوساخ والرواسب والكربون يبقي المحرّك 30% أنظف ويساعد في حمايته من التلف التراكمي دى موصفاته وده رابط موقع الشركة للى يحب يعرف معلومات اكتر عن المواصفات الفنية للزيت http://www.bplubricants.com/en/produ...sco-5000-5w-40 والجركن سعره 250 جنيه وبيقعد حوالى 15000ك المهم بعد ما حطيت الزيت ده مش سامع صوت خالص ولله الحمد للبلوف والعربية بقى صوتها ناعم جدا كانى بالظبط غيرت البلوف او كأن العربية رجعت زيرو ملحوظة صوت البلوف ده بدأت اسمعه تانى شهر ما جيبت العربيةوكانت عاملة حوالى 1500ك يعنى ما لحقتش خلاصة الكلام ان الزيت هو السبب الرئيس لسماع صوت بلوف فيرنتك المزعج وعليك تجربة الزيت التخليقى فهو يستحق بالفعل كل جنيه بيدفع فيه بل ويعتبر ارخص من الزيت المعدنى لو حسبناها على المدى البعيد دى تجربتى مع زيت فيسكو التخليقى انا عايز لو حد مجرب نوع تانى زى موبيل ون او شيل الترا او اى نوع تخليقى محترم وكان بيعانى من نفس الصوت يشاركنا تجربته ويقولنا الاخبار ايه علشان دى تعتبر دراسة عن مشكلة فى الفيرنا وعلاجها هو وضع الزيت المناسب لهذا الموتور الجبار المتقدم فى فئته وهو الزيت التخليقى فقط ولا شيئ غيره :fun_36_3_11[1]: |
رد: خلاصة ما انتهى اليه الخبراء مع الزيت المناسب للفيرنا
انا معايا فيرنا 2010 كنت جايبها زيرو و بحط زيت موبيل من يوم ماجبتها و هى ماشية دلوقتى 90000 كم و الموتور ملهوش صوت نهائى...الغيار الجاى احط Visco و نجرب...
|
رد: خلاصة ما انتهى اليه الخبراء مع الزيت المناسب للفيرنا
شكرا على اضافتك يا استاذ فادى:GROWIN~12:
وبجد بعد ما حطيت زيت فيسكو التخليقى بأندم على انى كنت بحط زيوت معدنية قبل كدة |
رد: خلاصة ما انتهى اليه الخبراء مع الزيت المناسب للفيرنا
اقتباس:
ولا ينفع احطوا فى ماتور بنزين؟؟؟؟؟ انا اسمع انه كويس فى الغاز لأن كل سواقين التاكسى بيشكروا فيه |
رد: خلاصة ما انتهى اليه الخبراء مع الزيت المناسب للفيرنا
اى حكم على اى زيت بعد 1500 كم من استعمالة
|
| الساعة الآن 11:59 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017