مصر موتورز مجتمع السيارات - صوت فى الماتور مش قادر احدد ماتور ولا جير بوكس

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - صوت فى الماتور مش قادر احدد ماتور ولا جير بوكس (https://www.masrmotors.com/vb/showthread.php?t=102293)

صوت فى الماتور مش قادر احدد ماتور ولا جير بوكس

الحكايه انى من يومين كنت ماشى امام دريم لاند فى طريق 6 اكتوبر حسيت ان فى حاجه مش مظبوطه فى صوت خشونه كدا الصوت متغير مش عارف من ايه نزلت فتحت حوض الماتور لقيت الصوت عادى ركبت ومشيت الصوت ظهر تانى بيزيد مع المشى قلت يمكن مشكله فى الفتيس هوا فيه حدافه كدا فى الفتيس بتتحرك حركتين لفوق ولتحت دى مكانها بالظبط لما افتح الكبوت فى الجزء الرابط بين الفتيس والماتور فى نص العربيه بالظبط لما كنت الاقى الغيار بيزعق جامد او الغيار تقيل انزل احركها بايدى هيا جامده بس بتقبل الحركه لو حركتها جامد وامشى الاقى العربيه اتزبطتت والغيار بقت حلوه وسهله طيب بتطلع تانى فوق ازاى مش عارف كل شهر كدا كنت باردها مكانها بايدى
اتحركت ازاى مش عارف هى بتطلع لفوق وهيا مكانها تحت البطاريه شويه مكانها مزنوق بس باوصلها وعرفتها صدفه بس هيا بتعمل ايه مش عارف
المهم الصوت اللى عندى من نص الماتور بالظبط يعنى لما بافتح الكبوت صوت تكت تكت تكت جامد اوى بيزيد لما ازود بنزين بس فى حاجه الصبح اول ما ادور العربيه مبسمعش حاجه 5 دقايق والصوت يستمر طول اليوم انا مشيت بيها كدا 3 مشاوير وفى المشوار الاخير بطلت العربيه وجيت ادور لقيت تعتيل جامد رحت وديتها لميكانيكى قالى الماتور دا صوت ترزيع هنفك وعلى ونشوف اللى باظ ونغيره ومحددش حاجه قالى بطيخه مقفوله واللى هنلاقيه نعمله الكلام دا صح الراى ايه
ومن تانى الصوت تكتك تك تك تك تك بس وهيا بارده لا اول ما تسخن الصوت يظهر
مغير زيت من حوالى شهر 5000كيلو ولسه بدرى واخر مره بصيت على زيت الفتيس من حوالى سنه ومغير كاتينه من حوالى سنه برده
الصوت مرتبط بادرة الماتور يعنى معشق العربيه او مش معشق دايس دبرياج او مش دايس الصوت ظاهر اوى بس انا حاسس انه جاى من الفتيس ممكن لو بلية الدبرياج باظت تعمل تكتكه عاليه [IMG]http://www3.0zz0.com/2012/11/11/16/491961076.gif[/IMG] ولا دا كدا ماتور وبالسلامه يا ماتورى

رد: صوت فى الماتور مش قادر احدد ماتور ولا جير بوكس

متابع باهتمام

رد: صوت فى الماتور مش قادر احدد ماتور ولا جير بوكس

ياريت والدنيا نهار تصور الجزء الي انت بتتكلم علية
بس واضح مبدايا من كلامك فرش وبلية دبرياج وريش ديسك
الميكانيكي لو شاطر وشك ان صوت الترزيع من السبايك
بيفك كرتيرة الموتور ويفك سبيكة سبيكة ويكشف عاليها

رد: صوت فى الماتور مش قادر احدد ماتور ولا جير بوكس

صوت التكتكة من وش المكنة بيكون سببين :
1 - صباب اتحرك زيادة بسبب ضعف السستة بتاعته ولطش وش البستم وبقىما بيقفلش كويس في الكرسي بتاعه
2- واحد من البساتم خلوص الصباع اللي راكب في دراع البييل بتاعه زاد فبقى البستم حر شوية فبقى بيتأخر في مشواره طالع نازل ولو فتحت وش السلندر تجيب البستم بايدك يمين وشمال ييجي معاك وما يبقلش محكوم

اكيد العربية دي سخنت منك جامد من فترة قريبة !!!!!
ربنا يعينك

رد: صوت فى الماتور مش قادر احدد ماتور ولا جير بوكس

اقتباس:

المشاركة الأصلية كتبت بواسطة m_gewelly (المشاركة 794957)

الحكايه انى من يومين كنت ماشى امام دريم لاند فى طريق 6 اكتوبر حسيت ان فى حاجه مش مظبوطه فى صوت خشونه كدا الصوت متغير مش عارف من ايه نزلت فتحت حوض الماتور لقيت الصوت عادى
لحد كدا وتمام اووى
والموتور عال العال
ركبت ومشيت الصوت ظهر تانى بيزيد مع المشى
الصوت دا يبقى من مجموعه الفتيس او فى بليه عجله خشنه
قلت يمكن مشكله فى الفتيس هوا فيه حدافه كدا فى الفتيس بتتحرك حركتين لفوق ولتحت دى مكانها بالظبط لما افتح الكبوت فى الجزء الرابط بين الفتيس والماتور فى نص العربيه بالظبط لما كنت الاقى الغيار بيزعق جامد او الغيار تقيل انزل احركها بايدى هيا جامده بس بتقبل الحركه
ايوه فاهم تقصد ايه بس دى بتتحرك لقدام او لورا لكن فوق ولتحت جديده دى لو حركتها جامد وامشى الاقى العربيه اتزبطتت والغيار بقت حلوه وسهله طيب بتطلع تانى فوق ازاى مش عارف كل شهر كدا كنت باردها مكانها بايدى دا شكلها
http://a7lashare.com/viewimages/367ece6396.jpg
دا عيب فى المكان اللى بيبات فيه البنز مع الوقت بيطلع من مكانه
اتحركت ازاى مش عارف هى بتطلع لفوق وهيا مكانها تحت البطاريه شويه مكانها مزنوق بس باوصلها وعرفتها صدفه بس هيا بتعمل ايه مش عارف
دى بتنقل الحركه من عصايه الفتيس للفتيس عشان ياخد الغيارات
المهم الصوت اللى عندى من نص الماتور بالظبط يعنى لما بافتح الكبوت صوت تكت تكت تكت جامد اوى بيزيد لما ازود بنزين بس فى حاجه الصبح اول ما ادور العربيه مبسمعش حاجه 5 دقايق والصوت يستمر طول اليوم
دا مبدأى محتاجه ظبط تاكيهات من جديد لان فى صبابات مفتوحه بتخلى المكنه تسك
انا مشيت بيها كدا 3 مشاوير وفى المشوار الاخير بطلت العربيه وجيت ادور لقيت تعتيل جامد رحت وديتها لميكانيكى قالى الماتور دا صوت ترزيع هنفك وعلى ونشوف اللى باظ ونغيره ومحددش حاجه قالى بطيخه مقفوله واللى هنلاقيه نعمله الكلام دا صح الراى ايه
ومن تانى الصوت تكتك تك تك تك تك بس وهيا بارده لا اول ما تسخن الصوت يظهر
مغير زيت من حوالى شهر 5000كيلو ولسه بدرى واخر مره بصيت على زيت الفتيس من حوالى سنه ومغير كاتينه من حوالى سنه برده
الصوت مرتبط بادرة الماتور يعنى معشق العربيه او مش معشق دايس دبرياج او مش دايس الصوت ظاهر اوى بس انا حاسس انه جاى من الفتيس ممكن لو بلية الدبرياج باظت تعمل تكتكه عاليه
طيب فى حل بسيط ممكن نعمله وبعدين نشوف النتيجه http://a7lashare.com/viewimages/ac5eb967b6.jpg
تظبط تاكيهات عندى واحد خراط كويس وبعدين تغير الزيت بموبيل دلفاك MXlll
وعلبه كانز ابرو http://a7lashare.com/viewimages/bd36cf4a2f.jpg
الجركن بتاع الزيت 5 كيلو وعلبه الابرو حوالى 500 جرام يعنى تحط
غيار الزيت العادى من الموبيل دلفاك لكن ناقص منه 1/2 كيلو بتاع الابرو وتحط الابرو وتجرب وبأذن الله الصوت هيروح تماما

[IMG]
http://www3.0zz0.com/2012/11/11/16/491961076.gif[/IMG] ولا دا كدا ماتور وبالسلامه يا ماتورى

الرد داخل الاقتباس
وتحت امرك فى اى استفسار