سؤال فى القديم....
 

سيارة الوالد فيات 124. المهم هى شغالة حلو وبنقسى عليها وهى مستحملة ولا بتطلب زيارة توكيل وحتى الميكانيكى بتشوفة كل فين وفين. المهم فى حاجة ظهرت اليومين اللى فاتوا عاوز نصيحة فيها.

طبعا حالة الماتور مش جيدة اوى بس ماشى الحال وتشيل وتجرى ومفيش فى الماتور لا تفويت ولا محتاج عمرة وكلة تمام. وكان الوالد متعود لما يجى يسوق يتحرك على الثانى على طول والحكاية دى بقلها سنين وسنين. مؤخرا لاحظنا ان العربية بتعتل بمعنى ان لما يجى يتحرك من الثبات العربية مش بتسحب وزى ما يكون فى طوبة تحت الكاوتش وعوزة تطلعها فتحس انها هتفصل فيكون الحل انه يأخد الاول والعربية ساعتها بتشد على طول وأن كان في تعتيلة برضوا ولكن الفتيس على الاول بيحرك العربية للامام مش زى التانى اللى بيخل العربية تفصل. وبعد العركة واثناء السير على الثانى لو مثلا وقفنا فى إشارة او عند ملف و هدينا شوية بجد العربية برضوا تعتل وتأخد 3 إلى 4 ثوانى لحد ما تجر وساعة ما تجرى زى ما يكون كانت متلجمة وفكت فجريت. مش فاهم السبب ايه,,,

اما عن حالة الفرامل فهى كويس ومفيش مشاكل فى التدوير فى اى وقت من النهار. العربية مش بتفصل تقريبا خالص اثناء القيادة لان بابا بيسايسها يعنى يدها الاول اللى عمره ما كان بيستخدمة من سنين. او يفضل حاطط رجلة على البنزين ويشيل رجلة من الدبرياج بسرعة أكبر علشان العربية تتحرك وساعتها بتكون مندفعة بعد ما تكون عتلت 3 او 4 ثوانى وليست تتحرك بسلالة....

هل هناك تفسير لهاذا؟ شاكر على المشاركة

رد: سؤال فى القديم....
 

راجع على ابلاتين وكوندسر العربية
وشوف اسلاك البوجيهات لو لاقيتها ناشفة او بتكهرب غيرها
وبعد كده راجع فلتر البنزين ممكن يكون مكتوم وشوف الطرمبة فيها تهريب او ضعيفة
الطرمبة من جوة فيها دايفرام هوا اللي بيعمل فرق الضغط فيسحب البنزين من التنك ويضغطه بشكل متوسط ويوديه للكربراتير
وان شاء الله الموضوع مش ها يتعدى الحاجات دي
:GROWIN~12:

رد: سؤال فى القديم....
 

الاسطوانة تعبت وعاوزة تتغير

رد: سؤال فى القديم....
 

شاكر للافادة هراجع على كل دة... متشكر مرة تانية

رد: سؤال فى القديم....
 

معلش يا هندسة ولكن هى ايه الاسطوانة دى... اسطوانة ايه؟