مصر موتورز مجتمع السيارات - عاوز اغير سوست الاكسيل و عاوز اخلى الفرامل الخلفى على سكاكين هل يمكن ذلك دعوه للجميع للتفكير معى

السلام عليكم ورحمة الله وبركاته

انا لسه طبعا مشترى جوز مساعدين امامى جداد ولكن تبقى المشكلة ان مش المساعد هو اللى بيرفع العربيه اللى بيرفع العربيه هى السوست
وانا مكتشف ان النحية الى قدامى هابطه شوية ممكن لان السوسته عمرها الافتراضى خلاص وممكن لانى من اصحاب الوزن الثقيل فديما هتلاحظ ان النحية اللى قدامى هابطه سنه عن النحية اللى قدام الراكب بمعنى اخر مابين الكاوتش والرفرف امامى مسافه اربع اصابع يد بالظبط (مع العلم ساعت لما كان المساعد القديم ضارب زيت مكنش الاربع اصابع بيدخلوا بين فرده الكاوتش والرفرف )

اما النحية اللى امام الراكب بجانب السواق فممكن تدخل الاربع اصابع بتوعك و تتحرك سم لفوق وسم لتحت

طبعا انا استنتجت من كدا ان السوسته اللى امامى ضعيفه وكمان فيه سوسته ورا بس نحية اليمين برضوا هابطه سنه

فدلوقت اجيب سوست ايه استيراد تكون قوية و تتحمل وزن العربيه وزاياده هل اجيب هى هى سوست الاكسيل ولا فيه نوع تانى يركب على الاكسيل عادى بس يكون قوى او بمعنى اخر اقوى من سوست الاكسيل

(لان العربيه امبارح للاسف ركب معايا 4 بالغين وزن كل واحد فيهم لا يقل عن 90 كيلو و انا كمان معاهم العربيه كانت بتاكل المطبات العشوائية فقط بس المطبات اللى بتكون معموله نضيفه الحمد لله مبتكلهاش فطبعا كنت بندم انى ركبتهم معايا بس وانا راكب واتنين معايا مفيش مشاكل من اى مطبات )

ديه اول حاجه عاوزكم تفكروا معايا فيها

اما الحكاية التانية وديه عاوزها دماغ فايقه

بصراحه انا زهقان من الفرامل الخلفية الطبل ونفسى احولها لفرامل سكاكين طبعا لانها افضل 100 مره من الفرامل الطبل من جميع النواحى
مثالا
1:الفرامل السكاكين تقوم بتعويض الفاقد من التيل تلقائيا
2:الفرامل السكاكين اقوى بكتير من الفرامل الطبل فى الفرمله
3:مش بتحتاج كل شوية تروح ترجلش الفرامل السكاكين عند الميكانيكى لانى زى ما قولت بتعوض تلقائيا نسبة الفاقد فى تأكل التيل

مع العلم انا عرفت ان استاذ عصام غنايم بيعمل التعديل ده فى اللانوس وانوبيرا بس طبعا معرفش هل يمكن ذلك مع الاكسيل ام لا

وما هى الادوات المطلوبة لعمل ذلك

واتمنى التفاعل فى اموضوع معى لانى فعلا جاد فى كل هذه الاشياء