أخيرا ظبطت العربية وغلطت غلطتين :(
 

ظبطت العربية تظبيطة المفروض من الاخر يعني ,,, لانوس 2008 عاملة 77 الف كم تم تغيير دسك واسطوانة وسيور وبلي التكييف والكتينة وبلي العجل وتيل وطنابير
اممم وطرمبة مية و كمان عقربة الغيارات بتاعت الفتيس دي .... وتظبيطات كهربا دفعت كل اللي معايا بس النتيجة بصراحة مرضية جداً :) الحمد لله
بس غلطت غلطتين مع الأسف ... الأولى إني كنت حاطط مية خضراء ونزلت كلها علشان طرمبة الميه بتتغير والراجل حط مية حمراء بدل الخضراء وقالي دي احسن واسرع وبتبرد أحسن .. وانا عارف كده بس مش عارف انا وافقت ازاي من غير ما تاكد يصلح لعربيتي وله لأ
هوه حط مية حمراء تركيز 33% بتاعت شركة موبيل .. بس الغلطة الأكبر ان مكنش فيه غير شوية مية خضراء معانا وطبعا المية نقصت روحت مزود خضراء على اساس ان مفيش فرق :w6w200504112236376d ودي اول غلطة مش عارف اتصرف فيها

تاني غلطة هوه اني كان المفروض اشتري بطارية الراجل قالي كده لان العربلية كانت بتاخد وقت في الدوارة والبطارية ضعيفة بس بما اني دافع كتير فجربت العربية ولما وصلت عند بتاع البطاريات جربت اقفل واشغل العربية فظبطت قولت بس يبقى الدينامو شحنها ومشترتش مع انها عندي بقالها سنة ونص ؟؟

استفسار اخير ... انا استغربت قوي لما لقيت بطارية عربيات نوعها اينيرجيزر نفس شركة الحجاير القلم دي .... لقيتها في توكيل بردجستون . حد يعرف عنها حاجة ؟؟؟

رد: أخيرا ظبطت العربية وغلطت غلطتين :(
 

رد: أخيرا ظبطت العربية وغلطت غلطتين :(
 

ماتقلقش من حوار الميه ده عادى أهم حاجة ماتحطش ميه من الحنفية عشان الأملاح
والبطارية تشترى نوع موثوق فيه وبلاش تجارب البطارية غالية دلوقتى
والله اعلم

رد: أخيرا ظبطت العربية وغلطت غلطتين :(
 

مين قال الكلام ده ... انا كنت بجيب المية الخضراء من عندهم منالبنزينة على طول

رد: أخيرا ظبطت العربية وغلطت غلطتين :(
 

هوه تقريبا كانت عاملة 455 جنيه .... اللي هيا انيرجايزردي ههه والراجل بيقولي قبل ما تشتري اقرى عنها في النت علشان تطمن اكتر بس انا مش ناوي يعني انا هجيب زي اللي في العربية :) أأمن