2105
عندى لادا2105 فجاءه وانا مسافر لقيت العربيه عندى السرعه100 بتسخن لو نزلت 80 تبرد والكلام دة كان بلليل روحت للميكانيى قال الماتور زى الفل روح لبتاع الشكمان روحت لبتاع الشكمان قلي زي الفل مفيش سدد في الشكمان روح لبتاع الرديتير روحت للسبكى مشهور جدا كشف وقلي الرديتير زى الفل مش عارف اعمل ايه وايه اللغز في الموضوع علما بان العربيه في الزحمه درجه الحراره بتبقي طبيعيه لكن اول مجري علي 90 او100 مؤشر الحراره بيروح علي العالي
|
رد: 2105
قول للميكانيكى يبص على ترموستات الكوع
(الترموستات الميكانيكى ) |
رد: 2105
اخى الكريم فى الاغلب عندك سدد فى جزء من اجزاء دورة التبريد والعربيه بتسخن على ال 100 لان عندها سرعة سريان الماء بتبقى شديده فالجزء المسدود بيعمل مقاومه للماء على السرعات العالية فقط ولكن على السرعات القليله الماء يسرى بشكل عادى فانصحك بالذهاب لفنى الردايتير ليقوم بتنظيف الدورة كامله او الذهاب لاحد البنزينات اللى فيها جهاز غسيل دورة مياه المحرك وربنا ييسر لك الحال وابقى قول لنا عملت ايه |
رد: 2105
إظبط الكهربا بتاعت الموتور لو دورة التبريد سليمة وحط فى بالك بردو حالة زيت الموتور ونوعه |
رد: 2105
السلام عليكم اكشف علي كوعة المياه العلويه والسفليه هتلاقيهم طراي وده بيسبب انه مع السرعه العاليه سحب طلمبة الماء بيكون عالي فبيقفل الكوعه من الداخل فبيكون سريان الماء ضعيف واكشف علي المروحه والله المستعان |
الساعة الآن 05:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017