لية الصيانة ف التوكيل ( اجباري ) ؟
 

اخواني اولا انا لسة مجربتش اي صيانة ف التوكيلات لاني لسة هاشتري قريبا بس كل ماأقرا عن توكيل الاقية ياسيء جدا ياحرامية يانصابين يابيخلوا العطل الصغير كبير ودة من ناس تعاملت فعلا مع توكيل السيارات الخاصة بهم بقالي فترة طويلة بشوف مشاركات الاعضاء ومعظمهم مش عاجبهم توكيلات السيارة الخاصة بهم اهو اجباري مع قطع الغيار النار الي بيركبوها ف الصيانات يعني قطعة غيار التوكيل ضعف اضعاف الي موجودة ف المحلات الخارجية والناس عارفة كويس جدا انها بتتسرق وغصب عنهم بيقبلوا دا مع رخامة وعنتظة الصناع والقائمين علي الاصلاح والسيارة بتدخل الصيانة وانت مش معاها زي ماقرات من مشاركات الاعضاء يعني قرات مشاركة واحد دخل عربيتة وفوجيء بعد ذلك ان اتكسر فيها حاجة الموبينا تقربا واتلف عليها شكرتون وهو لا يعلم ولما راح الصيانة دفعوه حق الموبينا مع انة لا يتعامل الا معهم هل الضمير مات عندهم وقرأت ايضا ان يتم دفع فلوس للضمان مش عارف ازاي هل وانت بتشتري ولا ؟ وهل لو اشتريت ومرحتش التوكيل من اثاثة اية هايحصل انا من كثرة ماقرات المشاركات بقيت خايف اشتري من مشاكل التوكيلات دي وممكن يتم تغير اي حاجة صالحة ف الصيانات مع انها كويسة علشان ياخدوا فلوس وخلاص انا تهمت مني واللة ومش عارفني علي راي ع الباسط اخونا ومعلش طولت عليكم بس بجد محتار ومحتاج راي الخبراء والمهندسين بتوع منتدانا العملاق دة وياريت حد يفيدني ولكم جزيل شكري وامتناني

رد: لية الصيانة ف التوكيل ( اجباري ) ؟
 

رد: لية الصيانة ف التوكيل ( اجباري ) ؟
 

كل التوكيلات حرامية و قطع الغيار مش اصلية و بسعر مبالغ فيه.......

رد: لية الصيانة ف التوكيل ( اجباري ) ؟
 

بردو يااخي (ردك شر لابد منة ) مفيش بديل ولا السيارة هاتموت لو مشربتش من لبن صيانات التوكيل يعني توكيل السيارة الي المفروض يساعد ف حل اعطالها علشان تنشر ويبقي فية منافسة بينة وبين الماركات الاخري للاسف عندنا ف مصر بيأدبوا الي واخدين منهم حق البيع وايضا المشترين منهم هي دي مصر مش كفاية اغلي بلد ف اسعار السيارات وياريت علي مستوي البلدان الي حوالينا لا اسوأانواع وأسوأ تقفيل والوكلاء بيساعدوا ف دبح الناس الي بيشتروا منهم

رد: لية الصيانة ف التوكيل ( اجباري ) ؟
 

أحب أضيف نقطة مهمة

معظم الناس اللي بتكتب في المنتديات، ولا بلاش نقول معظم - خليها كتير منهم - بيكتبو عشان بتبقى عندهم مشكلة ونفسهم يلاقو حل او حتى يفضفضو عن الغضب اللي جواهم
ده مش معناه اني بقول ان التوكيلات ملائكة، انا متفق معاكم تماما انهم أكبر نصابيين في الدنيا، وفعلا زي ما قال أخويا sehsss شر لابد منه

بس انتا فكر فيها كده شوية، لو انتا اشتريت عربية وعجبتك جدا ومحصلش فيها مشكلة واحدة وبتعمل صيانتك في التوكيل ومبسوط جدا منهم وبيعاملوك احسن معاملة، هل هاتيجي هنا وتسجل في المنتدى وتكتب انهم ناس زي الفل ولا هاتكتفي بأنك تشكرهم شخصيا وتدي عامل منهم بقشيش حلو وخلاص؟
اللي انا عاوز اقوله ان المنتدى هنا، وكل المنتديات بشكل عام، عمره ما هيديك فكرة صحيحة عن عدد الناس الراضية عن التوكيل وعدد الناس اللي زعلانه منه، دايما اللي زعلان هتلاقيه اكتر

ده بيأدي ان الناس اللي ناوية تشتري عربية بتحس ان كل العربيات وحشة والتوكيلات بتعامل كل الناس وحش، مع انا متأكد ان كل توكيل عنده زباينه اللي راضين عنه جدا.

بالنسبة للعربيات، دايما حط في بالك انك داخل المنتدى بتدور على عيوبها، وقارن كمية العيوب ونوعها في كل عربية واقلهم عيوبا بتتوكل على الله وتشتريها، ده طبعا بعد ما تكون شفت المواقع (مش المنتديات) اللي بتعمل مقارنات بشكل احترافي بينها وبين منافسين العربية دي
وطبعا متنساش ان في ناس كتييييير بتعبر عن رأيها في العربية من غير تجربة فعلية

وبالنسبة للتوكيلات، نفس النظام برضو، أحسن حاجة لما يكون في توكيلين لماركة واحدة، ساعتها بتختار الاقل عيوبا برضو، وان شاء الله تطلع من الناس اللي راضية عنه وتيجي هنا وتقولنا قد ايه التوكيل بتاع عربيتك جامد :) بس ربنا يعينك على كمية الردود اللي هاتيجي تقولك ان انتا بتشتغل عندهم وبتلمعهم :biggrin:

أحب في الاخر أقولك على مثال عملي
عربيتي انا اشتريتها بعد 3 شهور من البحث والتنقيب وعمل المقارنات، مفيش حد كتب كلمة عليها في المواقع والمنتديات إلا وقريتها، عربي وانجليزي، من 2004 لحد 2010 ساعة ما اشتريتها
اشتريتها وانا في بالي كمية العيوب اللي الناس قالت عليها، والحمدلله من ساعتها وانا مستني أي عيب فيهم ومفيش حاجة ظهرت لحد دلوقتي :)
وده ينطبق على التوكيل بتاعها برضو

وسامحوني على الأطالة