لوجان أم سانديرو - أفيدونى أفادكم الله
 

السلام عليكم على الأعضاء المميزين
ان شاء الله انا ناوى أشترى لوجان أو سانديرو الفترة دى - أنا محتار بين الاتنين ومش عارف أقرر الصراحه لأنى ماليش أوى فى العربيات و أول مرة أشترة زيرو فياريت لو تفيدونى فى النقط دى :
* ايه الفرق بين لوجان و سانديرو ، أنا كنت فاكر ان شنطه اللوجان أكبر بس سألت فى الوكيل محمد عزت وقاللى ان الشنطتين زى بعض بالظبط مش عارف ازاى ، و هل فيه اى فرق تانى بين العربيتين
* أنا كنت محتار بين المانوال والاوتوماتيك فى الاتنين ، بس الى حد ما مائل للاوتوماتيك عشان اسهل وكده ، فهل اختيارى موفق ام لا , وعلى فكرة الفرق بين الوتوماتيك فى العربيتين الف جنيه بس
*لو هشترى اشترى من التوكيل وللا موزعين زى محمد عزت والطارق وكده
* هل فيه مشاكل فى الاوتوماتيك مش موجوده فى المانوال للعربيتين

معلش طولت عليكم بس الواحد ماصدق رسى على عربيه بعد مشوار طويل من المقارنااااات :w6w2005041122053268
تحياتى

رد: لوجان أم سانديرو - أفيدونى أفادكم الله
 

الاثنيين احسن من بعض اهم حاجة شوف انت مايل للسيدان او الهاتشباك وطبعا الاوتوماتيك اريح بكثير من المانوال
الف مبروك مقدما
4BY4

رد: لوجان أم سانديرو - أفيدونى أفادكم الله
 

الفرق بين لوجان و سانديرو سيدان ولا هاتشباك ده كل الموضوع و الشكل الخارجي في الاتنين كمان شنطة اللوجان اكبر من السانديرو غير كده مافيش فرق بين الاتنين لا مواتير ولا عفشة و لا صالون و لاغيره
موتور الاتو مختلف عن موتور المانيوال.. المانيوال 8 صباب و كامة واحدة ده 16 صباب 2 كامة
الاتو احسن طبعا خصوصي لو غالبية وقتك جوه مدينة زي القاهرة او اسكندرية
اشترى من التوكيل لو عايز تاخد بالسعر الرسمي بس في فترة انتظار ممكن تدخل في 3 شهور و ممكن اكتر و من الموزعين لو عايزتسليم سريع بس في اوفر برايس و انت و شطارتك فيه

رد: لوجان أم سانديرو - أفيدونى أفادكم الله
 

الله يبارك فيك مقدما يا أستاذنا :)
وانا لسه بفكر وكذا حد قاللى ان الفرق ان شنطه اللوجان اوسع بس , ربنا يجيب اللى فيه الخير بقى .

رد: لوجان أم سانديرو - أفيدونى أفادكم الله