مصر موتورز مجتمع السيارات - بطاحات الماتريكس

السلام عليكم و رحمة الله و بركاته
النهارده رحت للعفشجى لتغيير الكوبلن اليمين الخارجى و طبعا كان عندى تجربه قديمه مع الكبالن لما ميكانيكى غيرلى كوبلن غلط و طيرلى حساس ال ABS فلازم اقف على ايده

المهم و انا بعمل التشيك الاسبوعى على الزيت و المياه...لقيت كاوتش البطاحات مشرخ...خليت العفشجى حل المساعد و رحت سألت لئيت البطاح الكورى ب 95 جنيه و الاصلى mobis ب 140 كورى برضه
توكلت على الله و جبت 2 بطاح ب 280
طبعا الشروخ دى دليل ان الكاوتش نشف و معدش بيقوم بوظيفته فى امتصاص المطبات و فسرت الدبدبه اللى كنت بحسها مع اقل تعرجات فالطريق

العفشجى قالى ان المساعد داخل على بوظان
سألت على المساعدين لئيت الجوز ب 500 من غير بطاحات
فقررت تأجيل تغيرهم شويه خاصة انى فسرت بداية انه هيبوظ بنشفان و شروخ كاوتش البطاحات

و طبعا كعادة الصنايعيه و هما بيصلحوا حاجه لازم حاجه تانيه تبوظ...فعشان يفك البطاحات لازم يحل الفيبر و الصاج اللى حامى موتورالمساحات من فوق و من تحت...كان فيه مسمار حالق فدق عليه قام كاسر البربريز الامامى من تحت
الحمد لله على كل حال

رجعت بكوبلن جديد و بطاحات جديده و بربريز مشروخ
الحمد لله على كل حال
شكرا لمتابعتكم