مشكلة فى دايو لانوس *ارجو الافادة*
 

اولا ارحب بكل الاعضاء بالمنتدى الجميل انا عندى دايو 96 لانوس 1 انا لسه عامل عمرة للموتور وبعد العمرة بتأخر جدا فى الدوارة وبعد ما تدور تحس ان سحب الينزين بطئ جدا وتهرتل لحد ما تسخن وصوت الموتور اعلى من الاول على فكرة انا غيرت الرشاشات وطلمبة البنزين والفلتر(البنزين) والبوجيهات وطلع العيب مش منهم ولا ميكانيكى عارف يوصل للسبب وكمان لما تدور بتطلع ريحة بنزين مش محروق ياريت يا جماعة لو حد صادف العطل ده قبل كده يفيدنى لانى قربت اتجنن منه وشكرا جدااااااا

رد: مشكلة فى دايو لانوس *ارجو الافادة*
 

هل لما العربية تسخن بتدور بصعوبة برضه؟

رد: مشكلة فى دايو لانوس *ارجو الافادة*
 

شكرا على الرد السريع لأ لما بتسخن بتدور اسرع بكتير لكن مش من اول سنة زى الاول يعن ممكن من 2 او 3 سنة

رد: مشكلة فى دايو لانوس *ارجو الافادة*
 

أيه إللى أتغير فى عمرة المكنه من أجزاء ميكانيكيه

وماهو السبب الرئيسى للعمره

رد: مشكلة فى دايو لانوس *ارجو الافادة*
 

حضرتك مركب بوجيهات نوعها أيه

وهل شيكت على خلوص ثغرة البوجيه

وهل أنت غيرت سلوك البوجيهات قبل كده ولا لسه بتاعتها القديمه

وهل أطمنت لقوة شرارة البوبينا

مره من عند البوبينا ومره من عند البوجيهات

لأن ممكن تكون دى مشكله فى دورة الأشعال والمكنه تمام كأجزاء ميكانيكيه