مصر موتورز مجتمع السيارات - أعرف منين إنه المرش ولا البطارية ولا حاجة تانية

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - أعرف منين إنه المرش ولا البطارية ولا حاجة تانية (https://www.masrmotors.com/vb/showthread.php?t=34045)

أعرف منين إنه المرش ولا البطارية ولا حاجة تانية

أخوية عنده عربية وبيلاقى الحاجات دى فى العربية ومش بيعرف إيه سبب العطل.

1- العربية بدور بالعفية الصبح بعد 20 أو 30 مرة محاولة بالمارش. ولما تدور تشتغل عادى طول النهار ومن أول محاولة. تانى يوم بتكرر الموضوع فى الصبح.

2- المارش يعمل صوت تاكة ولكن الماتور لا يدور. ويصدر المرش صوت يعنى كأنى بأضغط على زرار الكهرباء فى البيت يعنى ( تك تك وخلاص) ومفيش حاجة بتحصل للماتور.

3- العربية تترج وتنتش وترتعش فى حالة النقل فى الفتيس والقدم على الدبرياج ، ولكن تثبت العربية بمجرد رفع القدم من على الدبرياج وتاخذ سرعتها.

رد: أعرف منين إنه المرش ولا البطارية ولا حاجة تانية

هى العربية نوعها ايه

اقتباس:

المشاركة الأصلية كتبت بواسطة tham1010 (المشاركة 240124)

أخوية عنده عربية وبيلاقى الحاجات دى فى العربية ومش بيعرف إيه سبب العطل.

1- العربية بدور بالعفية الصبح بعد 20 أو 30 مرة محاولة بالمارش. ولما تدور تشتغل عادى طول النهار ومن أول محاولة. تانى يوم بتكرر الموضوع فى الصبح.

احتمال مشكلة فى ظبط نسبة البنزين و الهواء و على حسب نوع العربية يا فيها اتوماتيك شوك يا شفاط يا صمام ايدل

2- المارش يعمل صوت تاكة ولكن الماتور لا يدور. ويصدر المرش صوت يعنى كأنى بأضغط على زرار الكهرباء فى البيت يعنى ( تك تك وخلاص) ومفيش حاجة بتحصل للماتور.

انا مستبعد ان البطارية السبب لانك بتقول انها فى الاخر بتدور (من غير زق) كده احتمال الاوتوماتيك بتاع المارش بيعلق فلازم كهربائى يتاكد من سلامة الكهرباء و المارش

3- العربية تترج وتنتش وترتعش فى حالة النقل فى الفتيس والقدم على الدبرياج ، ولكن تثبت العربية بمجرد رفع القدم من على الدبرياج وتاخذ سرعتها.

من الواضح برضه ان العربية مش مظبوطة على السلانسيه لان دوسة الدبرياج زى السلانسيه و علاج الموضوع ده حيبقى ظبط السلانسيه برضه على حسب نوع العربية يعنى لو كاربيراتير حيبقى ظبط هواء و سلانسيه و التاكد من سلامة الاكس و الباب
لو العربية انجيكشن حيبقى موضوع صمام الايدل و الايدل ليرن و نضافة الصمام و البوابة و التاكد من سلامة و عدم تسريب خراطيم الفيكم

رد: أعرف منين إنه المرش ولا البطارية ولا حاجة تانية

خليه ينضف الكاربيراتبر
و يغير فلتر الهوا و البنزين
و بالمره البوجيهات بسلوكهم

رد: أعرف منين إنه المرش ولا البطارية ولا حاجة تانية

متشكر يا رجالة:
الحقيقة أنا كنت بتكلم عن عربية موديل 1971 فيات 124 والأعطال دى مش بتحصل كلها فى يوم واحد دى أعطال الواحد شفها على مدى أعوام وعمره ما عرف سببها وكله رزق الميكانيكية....

رد: أعرف منين إنه المرش ولا البطارية ولا حاجة تانية

أستاذ أحمد ومهندس محمد قالوا كل الأسباب الأساسية للمشاكل المذكورة, شكرا ليهمROSE4U.

بس الأعراض دى أعراض عامة, بمعنى أن ممكن يبقى ليها عدة أسباب أخرى, لكن الأسباب المذكورة هى أشهر مسببات الأعراض ديه, ولازم يتم الكشف على الكارب وفلتر الهواء والبنزين والبوجيهات عامة (زى ما م. محمد قال :))وتنضيف الكاربراتير قبل التطرق لمشاكل أخرى.