مصر موتورز مجتمع السيارات - تجربه سلبية مع مركز صيانة مرسيدس شركة ديملر بنز

مصر موتورز مجتمع السيارات (https://www.masrmotors.com/vb/index.php)

- مراكز الصيانة (https://www.masrmotors.com/vb/forumdisplay.php?f=202)

تجربه سلبية مع مركز صيانة مرسيدس شركة ديملر بنز - مصر

السلام عليكم ورحمة الله وبركاته

يؤسفني ان اوضح لكم ما حدث معي فى مركز صيانة مرسيدس للاطلاع و ابداء الرأي.

فى البداية اخذت موعد مع الشركة الالمانية لعمل الصيانة الدورية لسيارتي، و تم بالفعل عمل الازم و دفع الفاتورة

http://i.imgur.com/lvTAPPx.jpg

الا انه في اليوم التالي فوجئت ان السيارة لا تعمل ( مابتدورش) . بالصدفة كلمني احد من خدمة العملاء لطلب عمل استطلاع رأى علي الخدمة المتميزة التي يقدموها لعملاء الشركة ، فقمت بإبلاغ المتصل بان السيارة لاتعمل و هي لا تتحرك من امام المنزل.

علي الفور جائني اتصال من الشركة انهم سيأتون بسيارة الخدمة و بها بطارية (امامية) جديدة لتغييرها و ان البطارية ثمنها ٤٥٠٠ جنية بخلاف التركيب و الانتقال.

و بالفعل قاموا بتغيير البطارية الا ان السيارة لم تدور ، فطلبوا مني ان الونش الخاص بهم يجب ان ياخذ السيارة الي المركز للكشف ، و بعد ٢٤ ساعة تم الاتصال بي ان العيب في المارش و انهم سيقوموا بإصلاحه و تكلفته ١٧٥٠ جنية

وعند استلام السيارة فوجئت بكم من التجريح في الجانب الايسر و الشنطة للسيارة . فقالوا لي اننا نعتذر و هي غلطة الونش و عرضوا علي الاصلاح و انني يجب ان اتركها فترة للاصلاح.

رفضت و قولت لهم ااني مستاء من الموقف و انني لظروف عملي يصعب علي ترك السيارة الي اجل غير مسمي.

اخذت السيارة و ذهبت الي المنزل ، فوجئت بان السيارة لاتغلق الابواب بالريموت كما هو معتاد، فقمت بالاتصال بهم ، قالولي سنرسل لك الونش ،
قولتلهم لا شكرا ... العربية اتبهدلت من الونش بتاعكم، و انني سأذهب الى مكان آخر لاصلاح السيارة.

مشكورين ... من نفسهم وصلوا الي المنزل لعرض اصلاح السيارة في المركز و ان الونش يأخذها ، و هو مارفضوا ، فقام المهندس بتركيب الكمبيوتر الخاص بكشف الاعطال بالسيارة امام المنزل و اكتشف ان العطل من البطارية (السفلي في شنطة السيارة) و عرض علي تغييرها بمبلغ ٤٥٠٠ زائد المصاريف ، فشكرته و اعتذرت ، فقام بعرض آخر لارضائي و هو
تركيب بطارية ايطالي بمبلغ ١٦٥٠ جنية.

وذهب المهندس و ارسل سيارة خدمة اخري لتغيير البطارية الايطالي،
و هو بالفعل ماتم.

و بعد تغييرها بقي العطل علي ما هو علية و ان الابواب لاتغلق بالريموت، و طلبوا ان تذهب السيارة الي المركز.

ذهبت السيارة الي المركز ، فقيل لي انهم يعتقدوا هذه المرة ان العطل في الباب نفسه ، فيجب حله، و هو ما رفضه تماما ، لانهم واضح انهم مجموعه من الهواة المنتدبين للتجارب في سيارات العملاء و لا يستحقوا ان يعملوا في شركة عملاقة تحمل اسم مرسيدس بنز.

و دى صور بعض الفواتير اللى تم دفعها

http://i.imgur.com/sq8XL1l.jpg

http://i.imgur.com/fy2yB2W.jpg

الي ان يصلني منكم المشورة المناسبة

رد: تجربه سلبية مع مركز صيانة مرسيدس شركة ديملر بنز - مصر

ربنا يعوض عليك .... و شكرا لنقل التجربة

رد: تجربه سلبية مع مركز صيانة مرسيدس شركة ديملر بنز - مصر

طبعا مشكور على نقل التجربة وربنا يعوض عليك الوقت والمال وحرقة الدم انا حاسس بيك بس ارجوك تكمل فى اخد حقك ده رقم جهاز حماية المستهلك اتصل بيهم واعمل بلاغ 19588

فى حالة انك قررت تعمل ده هتثبت الفواتير والعربيه يتعملها فحص فنى لاثبات وجود العيب واسبابه ومدى علاقتها باللى تم تغييرة او اتلافه فى العربيه
خد بالك المركز ساعة الجد ممكن ينكر تلافيات الونش لكن باقى الخسائر هتبقى واضحه وفى كل الاحوال المركز ده هيعمل الف حساب قبل ما يكرر الاداء الفاشل ده تانى

فى حالة انك هتديهم فرصه تانية او بمعنى اصح فرصه كاملة يبحثو فى العيب وميغيروش حاجة غير بعد ما يتاكدو مش بالتخمين ويسلموك العربيه بعد الاختبار اللى هما محاسبينك عليه فى الفاتورة من ضمن المصنعيات يبقى ماشى ومتستلمش العربيه الا والعيب متصلح وتجرب بنفسك وبعدين تدفع وده الصح دائما فى اى شغل مصنعيات ويبقى ليك برضو حق انك ترجعلهم لو ظهر عيوب بعدها فى المصنعيات او قطع الغيار

مراكز الخدمة والتوكيلات زى ما ليها مميزات ليها عيوب برضو واسوائها انهم تجاريين زيادة عن اللزوم فهو شغال يفك ويركب جديد ويعمل فواتير مصنعيات وقطع غيار واللى بعده
لكن ده ممكن ينفع مع العربيات الزيرو لكن بعد كده العربيه بتبقى عايزة صبر وتقييم للعطل مظبوط واختبار كافى بعد الاصلاح لضمان سلامته والاهم شوية ضمير

ومن باب الضمير المفروض الحاجات اللى تم استبدالها يرد مبلغها والتلفيات اللى تمت من نقل الونش يعالجوها او على الاقل مياخدوش حساب الونش ويشوفو العربيه فيها ايه ويتعمل ويحاسبوك على قطع غيار ومصنعيه اللى تم بس ان مكانوش يعملولك خصم كمان ده لو عايزين يصلحو العك اللى حصل