رد: افيدونى بسرعة
 

والله ياعم مع احترامنا لكل اللى سالتهم ف واضح انهم لايملكو السيارة ولايعرفو عنها حاجة ولاركبوها من اساسه وعملو زى واحد كرهنى فى البيجو ال505 وانا بدعى عليه دلوقت وواضح كمان انك مقريتش تعليقى الاولانى خالص هنا ونقول كمان
قبل م اشرح لك انا معايا نيسان صنى 2008 ولا اعتقد ابدا ابدا ابدا البته انك هتعاملها زيى ولاهتروح بيها صحراء ولاهتطلع بيها جبل ولاتمشى 400 كيلو مدقات خطيرة فى الجبل بيها
ولاهتسافر بيها يوميا زى حالاتى
وعربيتى عملت فى سنتين 80 الف كيلو مع العلم انى جات عليا فترة حوالى 8 شهور مركبتهاش بسبب تريللا دخلت فى وقصة طويلة كده
ونقول كمان
اولا / لازم تعرف ان اقوى موتور 1600 فى السوق هو موتور الصنى(قدرة ماشاء الله 118 حصان ) الباقى كله اقل وان كنت سمعت مجرد سمع ان موتور السيراتو 123 حصان
ثانيا / موضوع البنزين
موتور النيسان رغم قوته الجبارة زى م قلت لك لكن استهلاكه للوقود على الطرق السريعة 10 لتر لكل 125 كيلو ولما سألت ناس كتير عندهم عربيات تانية وبيتفشخرو بيها فوجئت انه بيقول نفس الاستهلاك تقريبا وميقولش كام
وفهمت انه رغم قدرة موتور النيسان العالية الا ان استهلاكها زى التانيين
ثالثا / النيسان اوسع من اللانسر واطول وهيا فى طول الاوكتافيا الجديدة تقريبا ونفس حجم مع الفرق طبعا ان تمن الاوكتافيا الجديدة يجيب عربيتين نيسان
وحكا ية الطول والعرض دى انا مجربها لان شارعنا مزدحم بالعربيات واحيانا اجى اركن مالاقيش ركنة تكفينى وييجى واحد جارى معاه لانسر يركن فى الحتة اللى مش مكفيانى وانا نفسى مكنتش رايح اشتريها ولا بفكر فيها وكنت رايح على اللانسر وركبتها لقيتها ضيقة لانى مش هتفسح بيها انا ناوى اشغلها تشيل بضاعتى يعنى حاجة زى النص نقل كده وبنزل من اللانسر لقيت النيسان واقفة جنبها وركبتها ماشاء الله لقيتها اوسع
ثالثا / فرامل الصنى عادية ومكنتش فاهم كده وعملت بيهم اكتر من 50 الف كيلو وانا فاهم انها اى بى اس طب ليه
لانها رغم قدرة الموتور العالية والاندفاع القوى ليها والسواقة بالنسبة لى على سرعات تصل احيانا اللى 190 او 200 ومرة واحدة 215 لكن الفرملة كانت تمسك العربية فى مكانها وفوجئت انها فرامل عادية لما روحت طبعا للتوكيل جوز التيل ب325 والتركيب 75 والضريبة 40 دخلنا فى 440 جنيه وطلعت على حبيبنا وجارنا الميكانيكى وجبنا تيل ماليزى ب60 جنيه وتركيب 10 جنيه ومتشكرين يابيه والفرق بان على الطريق طبعا
اخيرا / عيوب الصنى
اولا/ فيه عيب انت مش هتلاحظه لان معاك شاهين والشاهين موتورها صوته بشع
هو صوت الموتور العالى نسبيا بس ده طبعا بالنسبة للموديلات اللى زى اللانسر والكورولا وغيرها لكن الشاهين صوت موتورها عالى والنيسان صوت الموتور مش بيبان الا عند سرعة 120 او 130 تقريبا يبتدى صوت الموتور يعلى
طيب سبب العيب ده ايه
ان النيسان رغم قدرة الموتور القوية الا انها بيركبولها مع الموتور حاجة اسمها اوفر درايف دى بتوفر فى استهلاك البنزين وده اللى مخلى النيسان رغم قدرة الموتور العالية (118 حصان ) الا ان استهلاك البنزين زى العربيات التانيه وانا خلصت نفسى من الهيصة دى كلها وركبت غاز لانى بسافر كتير
ثانيا / صالون النيسان (المصرى عااااااادى جدا )مفيهوش حركات وشياكة العربيات التانية
ثالثا / العربية تقفيل مصرى ولذلك انت وحظك ممكن يطلع عندك عيب عبيط فى اى حاجة (سهل علاجه طبعا) يعنى عندى كان التكييف ناقص شحن وم اخدتش بالى غير لما بعمل صيانة الالف قالولى التكييف ده ناقص شحن وشحنوه ولانى من اعداء التكييف فم اخدتش بالى منه
الخلاصة
عايز قوة ومتانة وفرق سعر يبقى نيسان
عايز شياكة وبس ممكن تنقى حاجة تانية لانى مجربتش غير نيسان وهيا اللى اقدر احكم عليها
نسيت اقول لك ان زى م عندنا80 مليون مدرب كورة وهما مش فاهمين حاجة
عندنا 80 مليون مفتى برضه
بالنسبة لقطع الغيار انا اكتشفت ان 70% من قطع غيار اللانسر بيركب على النيسان طبعا كلها ميكانيكية/ صرة / تيل / مساعدين ده اللى انا غيرته فى الحادثة
الديسك والسطوانة ماليين الدنيا
اللى تعبنى شوية المقص وجبته مستعمل من اسكندرية مخلوع من نص عربية جديد ة ب250 جنيه لكنه فى التوكيل ب1125 وانت عمرك مهتستهلك مقص لان مقصها ناشف بس انا كسرته لان الجبل ليه طريقة فى السواقة وانا كنت بجرى بسرعة تصل 90 والسرعة دى على الطرق الجبلية تعتبر عاليه جدااااااااا لانها مفروض لاتزيد عن 40 وده كسر المقص
الكارتيرة بتاعة الكاوتش علشان تمنع تراب الكاوتش عن حوض الموتور دى قليلة شوية ودى عمرك مهتحتاجها برضه لان عمرك مهتعامل العربية المعاملة السيئة بتاعتى

رد: تقرير عن نيسان صنى (تم التحديث) اسعار ومواصفات
 

الف شكر يا استاذ خالد
ردك اهم مافية انة عن تجربة وحضرتك واضح ان استهلاكك للعربية جبار
وكمان حضرتك ماحولتش تتكلم على الموديلات التانية اللى انا ذكرتها فى استفسارى رغم انى كنت محتاج مقارنة فى النقاط اللى انا قولتها فى سؤالى بين الموديلات اللى قدامى الاكسنت والاوبترا واللانسر والملكة النيسان
بس انا احترمتك كتير لان انت ماتكلمتش عنهم لان انت مجربتهمش
بس ياريت لو حد يقدر يدينى مقارنة بين الانواع دى من حيث
1)استهلاك البنزين
2)قطع الغيار اسعارها وتوفرها
واخيرا شكرا للاهتمام

رد: تقرير عن نيسان صنى (تم التحديث) اسعار ومواصفات
 

دة انا لسة عارف دلوقتى حاجة لو صحيح دى تبقى مشكلة
ان الصنى من بعد 2003 ملهاش تغيير فلتر بنزين
وان الفلتر لو اتسد اللى بيتغير طلمبة البنزين كلها ودى تمنها معدى 1800
طب دى مش مصيبة
دة البنزين مش مضمون وانا ساكن فى اقصى الصعيد(قنا) وال92 مش متوفر غير فى بنزينة واحدة بس وانا بسافر كتير

رد: تقرير عن نيسان صنى (تم التحديث) اسعار ومواصفات
 

ياسيدى ربنا يكرمك
وانا بحاول اخدم اى حد وانقذه من الفتاوى لان الفتاوى ضيعت عليا ال505 ودى عربية ممتازة بس ملهاش حظ بسبب الفتاوى
ومشكلتنا ان كل واحد يسمع المعلومة بدل م يتاكد منها يرددها ويزود عليها كمان
الكلام ده كلام مش مظبوط مفيش حاجة اسمها فلتر بنزين ميتغيرش وانا عندى الفلتر بيتغير كل 80 الف كيلو وتمنه 220 جنيه بره التوكيل ياعم جبنا لك سعره علشان نثبت كلامنا
ولازم تعرف ان اليابانيين ملوك العربيات الاقتصادية وهم اول من اختراع عربيات مبتاكلش بنزين يبقى ازاى فلتر البنزين مبيتغيرش ده كلام ؟
وانا مش ناوى اغيره لانى محول عربيتى غاز وكان الفلتر عامل 30 الف وطالما غيرت لغاز فلتر البنزين مبيستهلكش
ثم لازم تعرف حاجة
كثرة سفرياتك معناها انك تمون من اى محطة مش لازم اللى عندكو فى قنا ولو ال 92 عندكم قليل يبقى بلاش نيسان لانى مرة اتفلسفت وحطيت لها بنزين 90 كركرت وروحت بيها التوكيل فرغو ال90 ورموه وحذرونى منه وقال مفيش لها اقل من 92 ولما قريت الكتالوج مكتوب فيه تحذير انه ممنوع اقل من 92 لان موتور النيسان قوى وبيحتاج نسبة انضغاط عالية والا مش عارف ايه (ناسيها ) المهم ان سحب الموتور هيبوظ فلازم مش اقل من 92

رد: تقرير عن نيسان صنى (تم التحديث) اسعار ومواصفات
 

شكرا يا خالد باشا على الافادة
بس انا بشوف عربيات نيسان صنى كتير اليومين دول عندنا بس للاسف معرف حد منهم عشان اسألة عن نوع البنزين بتاعة
طيب لو انا حاطط 92 واضطريت احط 90
بصراحة العربية عجبانى وباتلكك عشان تطلع ملهاش عيوب