مصر موتورز مجتمع السيارات - تقرير عن نيسان صنى (تم التحديث) اسعار ومواصفات

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - تقرير عن نيسان صنى (تم التحديث) اسعار ومواصفات (https://www.masrmotors.com/vb/showthread.php?t=857)

رد: تقرير عن نيسان صنى (تم التحديث) اسعار ومواصفات

اقتباس:

المشاركة الأصلية كتبت بواسطة m.youssef (المشاركة 120691)

ممكن اعرف تقفيل نيسان صنى 2008 اللى موجوده فى مصر تقفيل ايه؟؟؟؟؟؟؟؟
وشكراااااااااااااا

تقفيل مصرى ...

رد: تقرير عن نيسان صنى (تم التحديث) اسعار ومواصفات

بس شكلها مش عاطفى

رد: تقرير عن نيسان صنى (تم التحديث) اسعار ومواصفات

من معلوماتى التى لا تتعدى عن سنه وهى الفتره اللى كانت معايا فيها الصنى
ان الصنى من اول 2006 وهى تقفيل مصرى
العربية حلوه جدا وراسية على الارض لدرجة انى مره جبت بيها 220 على طريق شرم (بس كنت مهبط ومجنط ) مشكلتها الوحيده انها بتاكل بنزين كتير
العربية امكانيتها حلوه وواسعه مش ضيقه قوى من جوه تقريبا زى اللانسر
اما عن موضوع التوكيل وانا كنت بتعامل مع مودرن موتورز مشكلتهم الوحيده انهم بياخدوا وقت طويل فى تغيير الزيت والسيور يعنى ممكن تاخدلك 4 او 5 ساعات فى الموضوع دا
انما غير كده العربية حلوه وفخمه وكمان قطع الغيار المصرى والاستيراد بتوعها مش غاليين قوى
(عملت بيها حادثه وغيرت رفرف وكبوت واكسدام ) بـ 700 ج
ليه راى اخير هو ان الشكل اللى من 2006 لغايه 2008 كان حالى من شكل 2009 و 2010 وش العربيه كان افخم من اللى موجود دلوقتى
وربنا يوفقك

رد: تقرير عن نيسان صنى (تم التحديث) اسعار ومواصفات

اقتباس:

المشاركة الأصلية كتبت بواسطة freeharbya (المشاركة 120164)

السلام عليكم ورحمة الله وبركاته
لو سمحتوا أنا كنت عايز أسأل سؤال بخصوص
النيسان صني 2010 ex saloon أوتوماتيك abs وهي ب91500
أنا بإذن الله ناوي خلاص أشتريها اليومين دول بس كان نفسي أسأل حد معاه نيسان صني هي بجد العربية دي حلوة وبتعيش وبتستحمل وقطع غيارها رخيصة وبمعني أصح مش هندم إني جبتها أو أحس إني رميت فلوسي في الأرض وخاصة إني مش ناوي أبيعها يعني هتفضل معايا عمر طويل إن شاء الله ومش هجيب عربية تاني فبجد ياريت تساعدوني وتقولولي رأيكوا وأكيد عارفين كمان رأي ناس كتيرة فيها
جزاكم الله كل خير وآسف للإطالة

العربيه ما شاء الله عليها ..... رائعه بكل معنى الكلمه .... و انا كنت إشتريتها قبل م ترخص بشهر .... و بكل أمانه العربيه تستاهل كل قرش من ثمنها ....
الباور كان تقيل شويه ... بس بعد 3000 كيلو بقى أفضل و لسه بيتحسن
إستهلاك البنزين عادى جداً جداً بالنسبه لعربيه 1600cc أتوماتيك ... يعنى جوا البلد بتعمل 200 - 220 كيلو فى الصفيحه ..... و على الطريق 260-270 كيلو فى الصفيحه
ثبات العربيه غير طبيعى - رائع جداً -
على فكره قبلها إمتلكت 3 عربيات و كلها مركات محترمه جداً
لكن بصراحه الصنى أفضل
نسيت أقول إن صوت الموتور عالى شويه .... بس بعد 3000 كيلو بقى أفضل

رد: تقرير عن نيسان صنى (تم التحديث) اسعار ومواصفات

انا معى اوبل كورسة ومتابع النيسان من زمان وعجبانى اوى وهناك عرض من الشركة مقدم 10000 ج والباقى على 60 شهر النسان صنى بس انا نوات انشاء اللة ايفدوانى اشكركم