تركيب تكيف سبليت
 

يا جماعة أنا هركب تكيف LG سبليت الأسبوع ده. مش عندى خبرة وعاوز أكون واقف مع العمال مصحصح علشان الشغل يتعمل صح لان أهم حاجة فى التكيف تركيبة الصح. وهنا أنا عندى شوية أسئلة

1- أيه الحاجات اللى ممكن يهمل فيها الفنى ولازم أنبه أنه يعملها علشان التركيب يكون صح.

2- هى كهربة التكيف بتكون من جوه الأوضة ( فيشة مثلا) أن بتكون من الواحدة الخارجية.

3- هل كل تكيف لازم يكون جنبة فيشة علشان تكون مصدر كهرباء. أنا هركب الواحدة الخارجية فى البلكونة والوحدة الداخلية فى ظهرها جوة الأوضة ومش عارف الكهراباء هتيجى أزاى وخايف يفحر الفنى فى الحيضة والنقاشة لسة جديدة.

4- هو التكيفات الحديثة بتاع اليومين دول بيكون فيها خرطوم صرف المياة زى بتاع زمان. فى كليتى كانت كل التكيفات مدلدل منها خرطوم عمال ينزل ماية سخة وكل شكلة وحش جدا. فهل مازال هذا الخرطوم موجود أم تغير الحال.

5- الموزع اللى هيركب الجهاز هو المتحمل مصاريف النقل والتركيب. فما هو البقشيش المناسب لعملية التركيب؟ أم ليس من المفروض إعطاء العمال بقشيش؟

أرجو من أصحاب التجارب والخبرة المشاركة

رد: تركيب تكيف سبليت
 

تم تركيب التكيف والحمد لله. لا توجد أى أثار لعملية التركيب على الدهانات أو النجارة وهذا لان الوحدة الداخلية والوحدة الخارجية ظهرهم فى ظهر بعض. عملية التكيف لم تستغرف أكثر من 30 دقيقة بعمل أربع أفراد.

الذى عرفته اليوم أن فنى التركيب الذى أرسلته الشركة قال لى أنه يجب أن أستدعى كهربائى حتى يتم تركيب مفتاح كهرباء خاص للتكيف نوعه " البيتشينوا" باين. مفتاح بيطلع لفوق ولتحت زى بتاع السخانات الكهرباء وهذا للامان لان قدرة الكهرباء علية وقد لا يتحملها الفيشة العادية. الان التكيف يعمل عن طريق وضع السلكين فى فيشة الكهرباء لحين أستدعاء الكهربائى.

التكيف أكثر من رائع. ضابطة على درجة 25 ومش مستحملة. التكيف شوية يظهر صورته زى صوت المروحة بتاع السقف وأجد هواء بارد طالع منه بشكل يجعلنى أقشعر ولا أستحمله. والتكيف بعد شوية يفصل الكمبروسير ويشتغل مروحة فقط تقلب الهواء وهنا لا أسمع أى صوت نهائيا. لان الجو لسة مش حر قوى فالكمبروسير بيشتغل لمدة اقل من دقيقة والمروحة تشتغل لمدة بتاع 5 دقائق. أعتقد الحال ستغير فى الصيف الشديد.

صوت التكيف مش محسوس خالص. ماشاء الله مش تشغر بوجودة الوحدة الخارجية أيضا صوتها ممتاز وحتى مع عمل الكمبروسير بيكون صوت مش مزعج. والمكيف فيه إمكانيات كثيرة مثل أربع أوضاع لسرعة المروحة وكذلك فى نوع الوظيفة ( تبريد وإزاله رطوبة ووضع النوم ومروحة تقليب الهواء فقط وتيمر لبدأ ونهاية التشغيل) ووظائف أخرى كثيرة لازلت أحتاج الوقت لإكتشافها.

الحاجة اللى مش عجبانى هى أن التكيف بيجيب الريحة بتاع الجو المحيط. يعنى كان فى واحد بيرش ماية على السقف لسه بانيه أمبارح علشان الصبة تشد.. حسيت بريحة الأسمنت داخلة على بنسية قليلة لان الوحدة الخارجية قريبة بحوالى متر من السقف والأسمنت.
كذلك كنت راشش بيرسول فى الأوضة التانية ولما دخلت الريحة بتاع البيروسول للغرفة ألى فيها التكيف حاسس اه الهواء مكتوم وفيه رايحة البيرسول لانى ساكك الشباك وكذلك باب الغرةف لاشعر بأفضل ـاثير للمكيف.

ياريت كان المكيف زى بتاع العربية اللى بياخد من جو الأوضة ويسقع ويعيد إدخلها للغرفة بدون الأخذ من الهواء خارج الأوضة. ولكن صوت وإمكانيات وبرودة أكثر من ممتازة

رد: تركيب تكيف سبليت
 

رد: تركيب تكيف سبليت
 

السعر 3300 جنية كاش واحد ونص حصان بارد فقط التكيف مصنوع فى السعودية من مكونات كورية وخاصة الكباس. شارب العربى أغلى 100 حنية ولكن ينقصة إمكانيات مثل الشاشة الديجيل التى تظهر درجة الحرار المضبوظ عليها الجهاز وكذلك التحكم فى ريش الجهاز يدويا وليس ميكانيكيا كما فى تكيفات LG

رد: تركيب تكيف سبليت
 

شكرا على سرعة الرد وربنا يبارك ليك فيه
:GROWIN~12::GROWIN~12::GR OWIN~12: