مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة waelnasr78 (المشاركة 204959)

السلام عليكم عندى مشكلة فى الباور بتاع الدركسيون حاسس مش بيرجع لوحده بسرعة فى الملفات بصيت على زيت الباور كويس لازما ارجعه بالايد تانى وكمان مابتلفش العربية غير فى دايرة كبيرة لما اجى الف فى مكان واسع وهل الترصيص و ظبط الزوايا يؤثر أرجو الافادة

ياريت حد يرد عليه

رد: رابطة مالكى الاكسل

اقتباس:

المشاركة الأصلية كتبت بواسطة hesham 2010 (المشاركة 206688)

طب يا جماعة انا عندى سؤال عن الاكسيل وللأسف مالقيتش الاجابة فى الكاتالوج بتاعها كمان

وهو الاكسيل ال 1500 بتعمل كام حصان ؟؟؟؟
والعزم بتاعها أد ايه وايه هي السرعة القصوة ليها ؟؟؟؟؟؟

فى انتظار ردودكم وشكرااا،،،،

القوة بالحصان حوالى 84 حصان هى تقريبا زى اللانوس ( اللانوس 85 حصان) ولأنها اخف من اللانوس وزنا ممكن تشد فى السحب غالبا افضل مع الأخذ فى الإعتبار ان حالة الموتور جيدة والعفشة كمان اما العزم مش متذكر دلوقتى ممكن اشوفها على موقع على النت وان شاء الله ارد عليك
السرعة القصوة انا جبت بيها 145 كيلو ولم احاول ازيد عن ذلك بس فيه ناس بجيب بيها 160 لكن ذلك غير مرغوب لأن العربية بتبقى خفيفه فعلا بعد 110

رد: رابطة مالكى الاكسل

مجرد راي ومحتاج رايكو معايا

ايه رايكو لو يبقي لينا ميكانيكية معينة بمعني ان كل واحد يقول علي الميكانيكي بتاعه بس يكون ميكانيكي خبرة وتمام وعن

تجربة بحيث ان محدش مننا ممكن يضحك عليه

رد: رابطة مالكى الاكسل

بشوف ناس بتركب زى زراعين فوق السقف و كأنها حمالة للشنط
فهل حد مركبها ؟ و هل هى عملية و لا لأ ؟
و ياريت لو حد يعرف سعرها يقولنا كام ؟؟؟

رد: رابطة مالكى الاكسل

انا معرفش ممكن تركب على الإكسيل ولا لأ
بس سقف الأكسيل ضعيف ومع الوقت لا أعتقد انه ممكن يتحمل الأوزان