مصر موتورز مجتمع السيارات - تجربتي في القاهرة 1/10/2013

تجربتي مع شيكو والشيخ طة ومركز المرواني للفتيس ومرسي لأستيراد التيجو بالصور:
1-ذهبت اول يوم اصل فية للقاهرة للشيخ طة في الحرفيين اسألة علي حساس الروف رود المعطل عندي واولما شافني قام افتكرني عليطول وقالي مش ات بتاع النت اللي عمال تشتمني ياعم انا مش هابعلك واعتبرني حمار في الأسبرانزا كلها والله الغني قمت قلتلة خلاص يا عم وسلام عليكم
2-ذهبت الي محل المحترم شيكو وقابلني مقابلة محترمة وعملي شاي واللي قابلني اسمة الأستاذ عبدة والحاج عادل المحاسب وقالي شكرا علي اللي انت عاملة معايا في الجروب المهم اداني طرمبة باور وطرمبة سنتر باب ولما ركبت طرمبة الباور لما رجعت لأسيوط اكتشفت انها بايظة خالص ققمت اتصلت بية وقلتلة فرد عليا بكل ادب وقالي وانت نازل القاهرة هاتهالي وانا اسف واحنا تحت امرك.............
(((((((((((((((((شفتوا فرق المعاملة))))))))))))))))) ))))))
3-رحت لواحد اسمة الحاج علي او ابو حسين (مركز المروان )في الحي السادس امام بوابة مدينة الطلاب بجامعة الأزهر في مدينة نصر ودة مختص فتيسات اتوماتك واستبترونك وكان شغال في صيانة سيارات القصر الملكي السعودي وقالي انا كنت باقعد مع الملك فهد الله يرحمة شخصيا وكان يندة عليا واتكلم معاة واشتغل فترة في بي ام دبليو في لبنان........المهم بعتني جبت 6 كيلو زيت باور احمر معين من بنزينة في الماظة وقالي انا ما باثقش غير في الزيت دة فرحت جبته وتاني يوم حل الطبة ونزل الزيت ال 4 كيلو وحط مكانهم 6 كيلو وقالي جرب ...قمت لقيت الفتيس اتخلبط وصوت صفارة والنقلات بقيت زي الزفت.....اديتة 50 جنية ومشيت وقالي علي فكرة انت هاتدعيلي ....بعدها سافرت اسيوط الساعة 7 مساء واتبهدلت بقيت لمبة الفتيس تنور وريحة شياط وزيت بنزل ويتكب وينقط وكل شوية اقف ابطل وابرد الموتور وبعدين امشي وانقل علي المانوال وماتاخدش الرابع وليلة مطينة بطين..!!! قعدت علي كدة حوالي 400 كيلو والساعة 3.5 الفجر قبل مدخل اسيوط ب 30 كيلو لقيت اللمبة طفت والزيت بطل يخر والنقلات ممتازة والكركرة اللي باشكي منها خفت بصورة ملحوظة قمت تاني يوم اتصلت بالحاج علي وحكيتلةعلي اللي حصل قام قالي مبروك كدة الفتيس اتغسل من جوة واتظبط بحمد اللة .....((((((شفت بقي الخبرة بتنفع ازاي))))) وقالي لو كنت قلتلك انة هايحصل كدة ما كنتش غيرت زيت ولا كنت هاتقتنع انا بس سبتك للنهاية وعلي فكرة انا لقيتة فاكك فتيس اخو بتاعنا بالضبط لعربية بيجو 406
4-ذهبت للوراق عند واحد اسمة (مرسي)... ربنا يديني ويديكم هو شاب محترم عندة ميزان بسكول وعندة سكراب عربيات فية لا يقل عن 10000 عربية مفككة ومقسومة نصين وعربيات تيجو كمان والغريب انها عاملة (1) كيلومتر علي العداد وارد سنغافورة لكن الدركسيون من اليمين ...المهم اتعرفت علية بس مشكلتة انة ما بيبعش حاجة فرط بيبيع العربية كاملة لكن بالعذاب اخدت منة غطيين فبر بتوع البطاحات .......انا باقترح اننا نضغط علية ونقولة انة يبدأ يفكك عربية ولا اتنين من عندة للجروب بتاع النت اللي هو رحب بية كمان بس قالي ممنوع تصوير السكراب بس انا صورتة في الخباثة وهاحطلكم عنوانة ونمرتة
شكرا ليكم
طارق اسيوط

https://fbcdn-sphotos-a-a.akamaihd.n...63690190_n.jpg