مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   128 FIAT (https://www.masrmotors.com/vb/forumdisplay.php?f=199)
-   -   128 ومشاكلها فرامل مساعدين شــاسيه (https://www.masrmotors.com/vb/showthread.php?t=52210)

vr.w32i 11-04-2011 10:54 PM

128 ومشاكلها فرامل مساعدين شــاسيه
 
السلام لكم جميعا
مش عارف ابدا منين لان الحوار كبير اوى وشكلى داخل فى قصه غريبه اوى
اولا كونت مسافر شويه والعربيه قاعده حوالى 5 شهور مركونه
جيت بقا قولت اشغلها وامشى بيها شويه جيت عاملت تشيك على الفرامل والحاجات دى وظبت الدنيا ومشيت روحت مشوار اكتوبر وجيت
اكتوبر - حلوان وياقلبى لا تحزن
اولا مع اول طلع فى العربيه سمعت صوت تقطقه لزيزه اوى
ثانيا وصلت لحد المعادى وصوت التقطقطه بقه تخبيط فى تحت الدركسيون
الفرامل وانا راجع من اكتوبر فى المعادى بردو لقتها شبه معدومه
وفى صوت صفاره فى العجله الشمال والعجله اليمين لقتها مكسوره لبره مش لجوه
والكهرباء بقا دا حوار تانى
العربيه وهى واقفه لقتها بتلقط مارش وبدور لوحدها حاجه غريبه جدا :hd:
وفى الاخر اقدر اقول مابقتش 128 بقت قطعه خرده
عاوز افهم بقا اللى بيحصل دا حلو ايه
وعاوز اعرف فى مساعدين ويايات غير بتاعت ال128 اقدر اجبها واركبها على طول من غير تعديل وتظبت العربيه ومحسش بترزيع وخبط مع المطبات العاديه ومطبات الهوار اللى مرشقه على الدائرى
واسف بقا طولت عاليكو بس مشاكلها كتير وياريت الاقى حل للعربيه الغريبه دى :fun_36_3_3[1]:


mr_astra 11-04-2011 11:50 PM

رد: 128 ومشاكلها فرامل مساعدين شــاسيه
 
اخى الكريم سيبك من المساعدين دلوقتى خالص
خلينا فى الاهم
صوت طقطقة والعجلة كاسرة لبرة مش لجوة دة كوبلن
طب الكوبلن لية ملص كدة اكيد فى حاجة فى فرد الشاسية مفتوحة يبقى الحل سمكرى نضيف يقيس المسافات ولو فاتح يلمة بزرجينة والشاسية يتقوى من تحت بعمل دراع توصيل وبعدين تغير الكوبلن البايظ ويستحسن الاتنين
اما صوت الصفارة المتزامن مع عدم وجود فرامل دة بيعنى ان التيل خلص ودلوقتى بقى حديد على حديد
الحل تغير طقم تيل ادام مش غالى هات ترنتى بـ35 جنية وبالمرة اكشف على الخلفى ولو متاكل هات جديد وما تملهوش والطقم ورة بـ 45 جنية
مشكلة المارش دة اوتوماتك المرش عاوز يتفك ويتنضف ويطهر بالبنزين وهايركب تانى ما فيش مشاكل بامر الله

طارق ابوذيد 11-04-2011 11:53 PM

رد: 128 ومشاكلها فرامل مساعدين شــاسيه
 
بسم الله الرحمن الرحيم . اولا هدء من روعك فالسياره 128 ليست بهذا السؤ فقط اتبع ما سأقوله لك . اولا موضوع ان السياره بتدور من نفسها ذلك راجع الى تعليق فبره الكونتك وهذا يحدث كثيرا فى اغلب الكونتاكت الصينى ثانيا موضوع الفرامل قلت ان هناك خبط فى العجله الشمال ثم بعد ذلك هروب الفرامل منك فمن الجائز وقوع تيل الفرامل من مكانها او انها انتهت لقم التيل فأذا اشتريت طقم تيل جديد ستحل المشكله ان شاء الله . ثالثا موضوع تركيب قطع غيار للسياره بدلا من القطع الاصليه لها فأقول لك ان المقصات الاماميه والخلفيه والكبالن وهما نفس الريجاتا و الريتمو اما المساعدين فلا يمكن تركيب بديل وربنا معاك اخوك طارق ابوذيد تاجر قطع غيار استيراد موبايل 0181349010 والسلام عليكم ورحمه الله وبركاته .

vr.w32i 12-04-2011 12:15 AM

رد: 128 ومشاكلها فرامل مساعدين شــاسيه
 
اقتباس:

المشاركة الأصلية كتبت بواسطة mrastra (المشاركة 397563)
اخى الكريم سيبك من المساعدين دلوقتى خالص
خلينا فى الاهم
صوت طقطقة والعجلة كاسرة لبرة مش لجوة دة كوبلن
طب الكوبلن لية ملص كدة اكيد فى حاجة فى فرد الشاسية مفتوحة يبقى الحل سمكرى نضيف يقيس المسافات ولو فاتح يلمة بزرجينة والشاسية يتقوى من تحت بعمل دراع توصيل وبعدين تغير الكوبلن البايظ ويستحسن الاتنين
اما صوت الصفارة المتزامن مع عدم وجود فرامل دة بيعنى ان التيل خلص ودلوقتى بقى حديد على حديد
الحل تغير طقم تيل ادام مش غالى هات ترنتى بـ35 جنية وبالمرة اكشف على الخلفى ولو متاكل هات جديد وما تملهوش والطقم ورة بـ 45 جنية
مشكلة المارش دة اوتوماتك المرش عاوز يتفك ويتنضف ويطهر بالبنزين وهايركب تانى ما فيش مشاكل بامر الله

اولا احب اشكركم جميعا على المتابعه والاهتمام
ياعنى حوار الشاسيه دا مافهوش لعب كتير ولا هيتعبنى معاه
ولو جات على التيل اغيرو والخلفى لسه جايبلو طنابير وتيل جديد واره
والاتوماتيك لسه جايبو جديد اصلا
وفعلان ممكن زى مالاخ طارق قال ممكن تكون فبره الكونتك
عشان عندى مثلا لو خبطها ممكن تسكت خالص

اقتباس:

المشاركة الأصلية كتبت بواسطة طارق ابوذيد (المشاركة 397568)
بسم الله الرحمن الرحيم . اولا هدء من روعك فالسياره 128 ليست بهذا السؤ فقط اتبع ما سأقوله لك . اولا موضوع ان السياره بتدور من نفسها ذلك راجع الى تعليق فبره الكونتك وهذا يحدث كثيرا فى اغلب الكونتاكت الصينى ثانيا موضوع الفرامل قلت ان هناك خبط فى العجله الشمال ثم بعد ذلك هروب الفرامل منك فمن الجائز وقوع تيل الفرامل من مكانها او انها انتهت لقم التيل فأذا اشتريت طقم تيل جديد ستحل المشكله ان شاء الله . ثالثا موضوع تركيب قطع غيار للسياره بدلا من القطع الاصليه لها فأقول لك ان المقصات الاماميه والخلفيه والكبالن وهما نفس الريجاتا و الريتمو اما المساعدين فلا يمكن تركيب بديل وربنا معاك اخوك طارق ابوذيد تاجر قطع غيار استيراد موبايل 0181349010 والسلام عليكم ورحمه الله وبركاته .

بس السوال ياستاذ طارق الاقى كونتاك زى الاصلى فين وهل ممكن الاقى كونتك وكالون الباب بمفتاح واحد زى الفبريكه ؟

وشكرا على اهتمامكو ومتابعتكو للموضوعGIFT4U

طارق ابوذيد 12-04-2011 12:23 AM

رد: 128 ومشاكلها فرامل مساعدين شــاسيه
 
بسم الله الرحمن الرحيم . ردا على سؤال الاخ الكريم هات كونتاكت ايطالى جديد او استيراد ولكن مفتاح الباب ممكن لو فى سياره 128 كامله استيراد عند تاجر وتأخذ منه الكونتاك + الاكر الخارجيه للابواب . والسلام عليكم ورحمه الله وبركاته .


الساعة الآن 01:44 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017