مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   كار كير مصر موتورز (https://www.masrmotors.com/vb/forumdisplay.php?f=222)
-   -   تعطير صالون السيارة وبأقل تكلفة (https://www.masrmotors.com/vb/showthread.php?t=28807)

أحمد فاروق سيد 27-06-2010 03:26 AM

تعطير صالون السيارة وبأقل تكلفة
 

http://www.samysoft.net/forumim/slam.../sdfsdfsdf.gif

أخوانى وأخواتى
أعضاء المنتدى الكرام

سوف ابدأ إن شاء الله فى سلسلة موضوعات تتحدث
عن العناية بالسيارة

وسوف ابدأ مستعيناً بالله بهذا الموضوع

تعطير صالون السيارة وبأقل تكلفة

مَن منا لا يحب أن يكون رائحة صالون سيارته عطره
وذات رائحة جذابة دوماً ؟
بالتأكيد جميعنا حريص على ذلك
وكل فترة نقوم بشراء مُعطر شجرة أمريكى " ولا يدوم كثيراً "
وكذلك جليد الذى يثبت فى فتحة المُكيف
ولكنها أمور مكلفة ولا تستمر كثيراً

وكان دائماً يلفت نظرى وأنا أقوم بغسيل السيارة فى الكار كير
أن العامل يقوم برش مادة تحت الدواسات وفى فتحات التكييف
فتستمر هذه الرائحة كثيراً بالرغم من قلة الرش
فبدأت أبحث عن هذه التركيبة
وتوصلت إلى أنها أسنسات مائية وليست زيتيه
وأكرر مـــــائــــيــــه

تجد هذه الأسنسات عند تجار الكيماويات
وبالأخص تجار المنظفات والقليل عند تجار البرفانات
وهم منتشرين جداً قى شارع الجيش وبالأخص ميدان الجيش

وللعلم
هذه الأسنسات المائيه يوجد منها ما هم تركيز منخفض
وما هو تركيزه مرتفع وهو المقصود

وبالتجربة أكتشفت أن أفضل الشركات المنتجه هى دلتا أروماتيك
ويليها آرو مصر
وتتوافر هذه الأسنسات بروائح متعددة
خوخ ، ليمون ، فراولة ، ياسمين ، فل ، ورد ، تفاح ، مسك ، عود ... ألخ
ولكن أفضل هذه الروائح الخوخ والمسك ويليهم التفاح والياسمين
والتركيز العالى فى منتجات دلتا يأخذ رقم 2725 سعر الكيلو جملة 65 ج
يعطى لك حوالى 20 كيلو مخفف
أما التركيز المنخفض فستجدونه يحمل رقم 222 سعر الكيلو جملة 30 ج
يعطى لك حوالى 6 إلى 7 كيلو مخفف ، ولا أنصح به
لأنه مخصص فى الأصل ليضاف فى الغسالات الأتوماتيك
ليعطى للملابس رائحة ذكية عطره

المهم
نبدأ بالصور والأدوات النستخدمة
أنا مثلاً أقوم بشراء كيلو جرام لأستفيد بسعر الجملة
فسعر الجرام جملة 6.50 قروش أما القطاعى
100 جرام مثلاً فيكون بـ 10 قروش

http://a7lashare.com//uploads/images...42a52235bf.jpg

قم بشراء كوب معيار 50 مليجرام أو سرنجه
وشراء بخاخ ،،، وأفضل أنواع البخاخات بالسوق
من نوع الهلال والنجمة

http://a7lashare.com//uploads/images...2e85821125.jpg

هذا البخاخ حوالى 500 جرام قائم
يضاف عليه 20 جرام خام
أو ثلاث مرات من السرنجة الـ 6 سم
ثم تقوم برج الزجاجة جيداً
فتصبح هكذا

http://a7lashare.com//uploads/images...7ba6eb6985.jpg

قم برش هذا العطر تحت دواسات السيارة وقليلاً على السقف الداخلى
وعلى الفرش إذا كان قماش وفى فتحات التكييف

أما أنا فأقوم برش هذا العطر فى المنزل على السجاد والستائر
فتظل رائحة المنزل دائماً عطره وتستمر الرائحة باليومين والثلاثة

http://www.samysoft.net/forumim/nehaya/fgfdgdf.gif

http://www.samysoft.net/forumim/nehaya/ghghghg.gif




الموضوع الفائز بالمركز الثالث فى مسابقة صيف 2010
http://www.m5zn.com/uploads/2010/7/1...5p2n446tp7.png

الموضوع الفائز بالمركز اﻷول فى مسابقة إختيار اﻷعضاء لصيف 2010
http://www.m5zn.com/uploads/2010/7/1...a6lrkot2jo.png


hazem_khidr 27-06-2010 03:54 AM

رد: تعطير صالون السيارة وبأقل تكلفة
 
بارك الله فيك يا احمد باشا
فكره جميله فعلا
ان شاء الله اجربها
لاني فعلا زهقت من المعطرات
انا دايما بجيب جليد الخرز او الورقه اللي علي شكل مركب او الشجره السوده
انما مع وقوف العربيه في الشمس لفتره بتنتهي علي طول مش بتستمر.
جربت قبل كده اجيب عطور زيتيه و ارش علي الدواسه لكن لم تستمر كثيرا.
اخر حاجه بعملها بجيب معطر بيتحط في الطفايه علشان تطفي فيه السجاير
ريحته حلوه و كل ما افتح الطفايه بيطلع ريحه
و انا مش بطفي فيها رغم انه مكتوب علي علبته يستحمل لحد 10 سجائر

mahmoudnada80 27-06-2010 05:19 AM

رد: تعطير صالون السيارة وبأقل تكلفة
 
فكره رائعه
وشكرا علي المجهود

بدر بسيونى 27-06-2010 08:18 AM

رد: تعطير صالون السيارة وبأقل تكلفة
 
فكرة عظيمة وفيه معطر باجيبه من بره نفس الفكرة بس انا لياسؤال التركيبة اللى حضرتك عالمها مش بتاثر على لون الفرش والسقف للانها بتترش بصورة مباشرة ؟وشكرا ليك موضوع مهم جدا

horas3000 27-06-2010 08:53 AM

رد: تعطير صالون السيارة وبأقل تكلفة
 
تسلم ايدك علي الموضوع الهايل ده
و في فكرة برضة انا كنت بعملها في عربيتي القديمة
مين فينا مبيحبش ريحة القهوة و البن
انا كنت بجيب كام حبة بن طازة و اكسرهم شوية و احطهم تحت الكراسي
و كانو بيعدوا شوية حلوين و ممكن كل ما تقل الريحة تكسرهم زيادة
و اهو منها تعطر العربية و تعمل دماغ خصوصا الصبح


الساعة الآن 11:55 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017