المشاركة الأصلية كتبت بواسطة mahamadsm (المشاركة 617518)

السلام عليكم ورحمة الله وبركاته
ان شاء الله ياجماعة هسافر قنا وكنت عايز أعرف ايه الأفضل :
1- طريق الجيش الجديد ( الشرقى ) وازاي أكمل منه لقنا لأني سمعت انى أخره أسيوط وايه أخبار محطات البنزين عليه.
2- طريق السخنة الغردقة سفاجا قنا . والطريق ده انا عارفه كويس لاني سافرت عليه كثير

المشاركة الأصلية كتبت بواسطة waleed_d82 (المشاركة 617545)

بص يا استاذنا انا من قنا وعارف اخبار الطرق كويس عندنا
اولا طريق الجيش او الصحراوي الغربي عندنا متوفرة علية محطات بنزين كتير وطريق ممتاز ممكن تفتح علية براحتك في السرعة بس ياريت تاخد بالك علشان العربيات كلها بتكون فاتحة السرعة علية وهوا دلوقت اتعمله وصلة لحد اسوان يعني من القاهرة لإسوان شغال معاك وانا برشحهولك لو عربيتك تمام :010104~171:
ثانيا طريق الغردقة هوا ممتاذ بس علية مطبات هيا مش كتير وعليه لجان تفتيش بردة المشكلة ان كل دا بيعطلك خصوصا ان المشوار طويل قدامك :w6w200504112236376d
ثالثا ياريت تبقي تنور عندنا يومين في نجع حمادي حعمل معاك احلي واجب واي استفسار انا في الخدمة :CONGRA~238:
ياريت تقلي قررت اية :12EA7A~153:

المشاركة الأصلية كتبت بواسطة mahamadsm (المشاركة 617658)

شكراً ياباشا على الاهتمام وكلك واجب
بالنسبة للعربية انا معايا عربية تيجو 2011 اول مرة أسافر بيها انا كنت بسافر بالنوبيرا وكانت زي الفل فى الصفر
كنت بمشي بيها 160 مرتاح
برضه ياباشا انت ما جوبتنيش على الطريق الشرقى فيه محطات بنزين ولا لا حضرتك بتكلمنى على الغربي

المشاركة الأصلية كتبت بواسطة waleed_d82 (المشاركة 617664)

لاني مش عايزك تسافر علي الغربي بص اقولك افضل الطرق الغربي وبعدة طريق البحر الاحمر ودول اتكلمنا عنهم :010104~171: وبعدة الصحراوي الشرقي لكثرة المطبات علية ودا ممكن تسافر علية من محافظة للي بعدها يعني مش اكتر من 200 كم :F_14WA~16[1]: وبعدة الزراعي ودا حتكرة نفسك من المطبات الي علية ودا يفضل بين المراكز :w6w200504112236376d
وبلاش الصحراوي الشرقي اليومين دول لانوا مش امان من الاخر في مشكلة في مركز دشنا علية وضرب نار بين قرية الحمدية وقرية العامرية والطريق هوا موجود جمبهم وانت عارف الصعيدا معندهمش تفاهم الضرب عشوائي بس لو مسافر بعد 10 ايام ان شاء الله الموضوع يكون اتحل :10FEE3~144:

بس بردة انصحك بالصحراوي الغربي طريق نضيف ولا مطب علية تفتح لاي سرعة انت عايزها ملفاته قليلة جدا ومرتاحة والحمد لله عربيك تشد فيه متقلش الحقوني وتوصلنا بالسلامة :CONGRA~238: