مصر موتورز مجتمع السيارات - العربيه مش بتدور بسهوله........... بتطلع عيني

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - العربيه مش بتدور بسهوله........... بتطلع عيني (https://www.masrmotors.com/vb/showthread.php?t=41593)

العربيه مش بتدور بسهوله........... بتطلع عيني

يا جماعه العربيه مش بتدور من اول مره بتدور بعد ثالث او رابع مره وحاسس ان صوت المارش خشن واحيانا وانا بدور بيحصل صوت جعره عاليه كده وكان موضوع الجعره ده حصل معايا قبل كده والميكانيكي غيرلي ترس اسمه ترس الفلام الكلام ده من اسبوع والجعره رجعت تاني
وبعدين هو في مشكله عربيتي اكسيل 94 ولازم وانا بدور المارش اكون دايس ((دبرياج)) عشان العربيه تدور ولو مدوستش العربيه متدورش الكلام ده ايه راي حضاراتكم فيه الرجاء سرعة الرد

رد: العربيه مش بتدور بسهوله........... بتطلع عيني

اقتباس:

المشاركة الأصلية كتبت بواسطة تيتو55555 (المشاركة 302675)

يا جماعه العربيه مش بتدور من اول مره بتدور بعد ثالث او رابع مره وحاسس ان صوت المارش خشن
نفس مشكلتى
1- الميكانيكي بيقولى غير البوجيهات رغم انى مغيرها مرتين؟؟؟؟؟؟؟؟
2- ناس بتقولى محتاج ظبط كربراتير ؟؟؟ مش عارف ..........
واحيانا وانا بدور بيحصل صوت جعره عاليه كده وكان موضوع الجعره ده حصل معايا قبل كده والميكانيكي غيرلي ترس اسمه ترس الفلام الكلام ده من اسبوع والجعره رجعت تاني
مش عندى الجعرة دى لكن المارش عندى خشن وصوته عالى وقالولى عشان العربية اتوماتيك فيكون صوته عالى؟؟؟؟؟؟ وانا غير مقتنع بهذا صراحة
وبعدين هو في مشكله عربيتي اكسيل 94 ولازم وانا بدور المارش اكون دايس ((دبرياج)) عشان العربيه تدور ولو مدوستش العربيه متدورش الكلام ده ايه راي حضاراتكم فيه الرجاء سرعة الرد
عربيتي اتوماتيك فمش هقدر افيدك فيها لكنها عندى برده بس الميكانيكي قالى عشان تدور معاك بسرعه كاركلها بنزين قبل الكونتاك ؟؟ برده مش مقتنع وتعبت من لبخ الصنايعية بيني وبينك؟؟

ربنا يدلك ويوفقك يارب

رد: العربيه مش بتدور بسهوله........... بتطلع عيني

اقتباس:

هل كشف على ترس المارش وهو بيغيرلك ترس الفلام

اقتباس:

وبعدين هو في مشكله عربيتي اكسيل 94 ولازم وانا بدور المارش اكون دايس ((دبرياج)) عشان العربيه تدور ولو مدوستش العربيه متدورش الكلام ده ايه راي حضاراتكم فيه الرجاء سرعة الرد

ده مش عيب

ده تصميم عملية الدواره عندك

وبتعتبر ميزه مش عيب

رد: العربيه مش بتدور بسهوله........... بتطلع عيني

شكرا استاذ وائل علي المروو
ربنا يكرمنا ونعرف العيب فين بالظبط

رد: العربيه مش بتدور بسهوله........... بتطلع عيني

ايوه يا باشمهندس /سمير هو شيك علي ترس المارش وقاللي الترس تمام بس ترس الفلام قاللي انه متاكل وان الترس ده مش بينفع يتقلب واني لازم اغيره(حسيت انه بيشتغلني)المهم غيرته والصوت راح ودلوقت موجود تاني وهو صوت مستفز جدا
وبعدين بردو صوت المرش خشن ومش يتدور معايا العربيه من اول مره علي الرغم من اني مغير بوجيهات قريب ومظبط كربيراتير والبطاريه جافه وحالتها الحمد لله كويسه

وياريت لو عند حضرتك وقت توضحلي ايه الميزه من موضوع الدبرياج ده
وانا اسف جدا اني طولت علي حضرتك