مشكلتي مع زيت الفتيس للـ A5 وحلها النهاااااااائي
 

ازيكم يا شباب المنتدى :12EA7A~153:
انا النهاردة طالب مشورتكم في موضوع زيت الفتيس للاوكتافيا الـ A5 اللي معايا بقالها شهر واحد وانا كنت شاريها مستعملة موديل 2006 وعاملة 105 الف كيلو
ممكن تشوفوها في الموضوع ده

المهم جيت اعمللها صيانة الـ 110 الف كيلو وغيرت حساس الشكمان والبوجيهات وسير التقسيمة واحترت جدا في موضوع زيت الفتيس وقررت أأجله لغاية لما اعرف رأيكم

انا قريت كتير انه لازم يتغير كل 60 الف كيلو بس الراجل اللي اشتريت منه مغيرهوش خالص قبل كده واما سألتو قاللي ان زيت الفبريكة لا يعلى عليه
قولت اروح التوكيل اغيره قاللي المهندس اللي هناك متغيرهوش علشان العربية فيا بودي فالف بنسبة 20% ولو غيرته هتزيد بسرعة :w6w200504112236376d
قولت اكلم مركز صيانة محركات وفتيس فولكس اللي ليه الفيديو ده عاليوتيوب
<iframe src="http://www.youtube.com/embed/ghdPoI8oATo" allowfullscreen="" frameborder="0" height="315" width="420"></iframe>
وقاللي انت جيت متأخر كان لازم يتغير عند 60 الف كيلو قولتله طب اغيره دلوقتي ولا لأ
قاللي لو غيرته انت وحظك ممكن ينزل بالرواسب اللي فيه ويعيش معاك الفتيس زي الفل او يظهر البودي فالف وتضطر تغيره
دلوقتي انا بقى مش عارف اعمل ايه
اغيره ولا لأ ؟؟؟؟؟؟؟؟؟ :F_14WA~16[1]:
وعايز رأيكم بسرعة علشان الحق الفتيس قبل ما يجراله حاجة

ومستني ردودكم ان شاء الله

رد: مشكلتي مع زيت الفتيس للـ A5 وحلها النهاااااااائي
 

متابع معاك انا برضو الراجل صاحب العربية مغيروش عندي والعربية عاملة دلوقتي 80 الف كيلو ومحتار اعمل اية

طيب يعني اية البودي فالف وشكراا

رد: مشكلتي مع زيت الفتيس للـ A5 وحلها النهاااااااائي
 

ربنا يباركلك في العربية ، انا بصراحة كان نفسي اساعد بس انا معرفش عشان انا عمري ما غيرت زيت الفتيس لما بينقص وده فرض نادر بزوده لكن مبغيروش
وكان ليا سؤال يعني ايه بودي فالف ؟ عشان مش فاهم
وان شاء الله حد من الناس يفيدك

رد: مشكلتي مع زيت الفتيس للـ A5 وحلها النهاااااااائي
 

هو يعني ايه بودي فالف ؟ ويعني ايه زيت الفتيس يتغير كل60 الف انا عمري ما غيرت زيت فتيس في حياتي لما بينقص بزوده ؟
ان شاء الله حد يفيد حضرتك وربنا يباركلك في العربية

رد: مشكلتي مع زيت الفتيس للـ A5 وحلها النهاااااااائي
 

متشكر ياشباب على ردودكم والبودي فالف ده هو عقل الفتيس ومشكلته ان بيحصل انسداد في صبابات الفتيس الداخلي بسبب تراكم الاوساخ بتاعت الزيت لما يمشي مسافة كبيرة من غير ما يتغير وبتحس بيه لما تكون ماشي في زحمة وبتقوم وتقف بالعربية كتيييييير بتلاقي العربية بتنتش معاك في النقلة وبتحس برجة او نطة لما تسيب الفرامل عشان تمشي بس مبيبوظش الفتيس ولكن بيضايق السواق بس وبيتغير في التوكيل ب11 الف جنيه بس http://masrmotors.com/vb/images/smil..._51%5B1%5D.gif ده اللي اعرفه عن البودي فالف