رجة في السلانسية
السلام عليكم جميعًا، وكل عام وأنتم بخير:fun_36_3_11[1]:
من فترة العربية مش عايزة تدور خلاص، فكيت البوجيهات لقيته ضايعة، غيرتها، ورجت للمكانيكي قالي أنا عليت العربية شوية. المهم: من بعد ما الدكتور المكيانيكي لعب في الكرابتير لقيت رجة في السلانسية عنيفة ومش عارف أعمل أيه. ملاحظة: الرجة كاتت عندي زمان بس خفيفة مش باينة قوى، دلوقتي حاجة فضييييييييييييييييعة. أيه الحل يا رجالة!!!!!!!!! |
رد: رجة في السلانسية
السلام عليكم رجه في الموتور وانت واقف ولا رجه في السياره عند بداية الحركه والله المستعان |
رد: رجة في السلانسية
متابع و عاوز أعرف الفرق من البشمهندس eng/walaaeldeen
الفرق بين ضبط سرعة اللاحمل و مع التحميل, لإن العربية عالسلانسية حمادة و فى المشى حمادة تانى خالص نفسى الإثنين ربنا يهديهم و يبقوا "حمادة واحد بس" |
رد: رجة في السلانسية
لو مكنش عندك رجة و بعد ما لعب فى الكاربياتير ظهرت
يبقى الموضوع مش حيخرج عن ظبط مسمار الهوا و السالانسيه و الكهربا و البكات و كدا مع الاخذ فى الاعتبار ام مسمار الهوا غالبا بينعم و يتفك لوحده مع المشى ممكن بيتمشط السن او بيتحطله تخشينة |
رد: رجة في السلانسية
الرجة عندي لما العربية تكون واقفة.
|
الساعة الآن 03:31 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017