|
أرجوا التثبيت (جميع أكواد أعطال الجراند شيروكي )
بسم الله الرحمن الرحيم
دي أول مشاركه فعليه ليا هنا وحبيت أنقل معلومه مفيده من واقع تجربتي للأكواد اللي بتظهر على شاشة حسابات الميل والكيلو متر اللي في التابلوه فعلاً بتنفع في أعطال كتير وبتحددها علشان تبدأ في تحديد العطل حط مفتاح العربيه في الكونتاكت وإعمل وضعية ON ثم OFF ثم ON ثم OFF ثم ON يعني تلات مرات (أون أوف) (أون أوف) (أون ) إفصل ثانيتين على الأكثر بين كل أون وأوف بقصد بكده تحت وضعية تشغيل العربيه يعني تشغيل الكونتاكت بس / من السكون لتشغيل الكونتاكت وترجع ومن السكون لتشغيل الكونتاكت وترجع وبعدين تشغل الكوناكت من غير ما تطفيه هتلاقي العداد الديجيتال في الطابلوه كتب أرقام حاول تكتب معاه بسرعه أولها حرف p وبعدين أربع أرقام إذا مظهرتش أرقام هتتكتب كلمة done على طول (معنى كده عربية حضرتك مفيهاش أعطال) وإذا ظهرت الأرقام بعد ماتخلص هيتكتب كلمة done يعني إنتهاء عملية الكشف كتبت الأرقام اللي ظهرت ؟ خد الموقع ده وشوف إيه اللي عند حضرتك في العربيه http://www.wjjeeps.com/faultcodes.htm |
رد: أرجوا التثبيت (جميع أكواد أعطال الجراند شيروكي )
دا مش في الجيب بس دا في الكريسلر كمان
بس دا كشف مش دقيق لان فيه اعطال الموجودة في الهيستوري بتاع الذاكرة ومش منورة اللمبه او راميه كود - ولكنه اختبار مبدئي جيد |
رد: أرجوا التثبيت (جميع أكواد أعطال الجراند شيروكي )
اقتباس:
هو فعلاً مش للجيب بس ولكن من واقع تجاربي إنه بينفع فعلاً قبل ما أحط العربيه على كمبيوتر أو أوديها لميكانيكي كشف عندي إن فيه غرفه مفيهاش إحتراق وفعلاً لقيت رشاش مش شغال والعربيه عندي كانت عاليه على السلانسيه كشفلي حساس الأيدل جهد عالي ولما فكيته ونضفته بــ wd وظبطته إختفى الرقم من التابلوه والسلانسيه رجع أحسن وأضيف لحضرتك إنه فعلاً مش دقيق علشان ممكن يخفي أعطال تانيه وتشرفت لمرورك |
رد: أرجوا التثبيت (جميع أكواد أعطال الجراند شيروكي )
رائع:funny25:
|
| الساعة الآن 07:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017