مصر موتورز مجتمع السيارات - اى حد محتاج اى معلومه عن رينو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - اى حد محتاج اى معلومه عن رينو (https://www.masrmotors.com/vb/showthread.php?t=1462)

رد: اى حد محتاج اى معلومه عن الرينو

تحيه طيبه --- ارجو المساعده فى استفسار خاص بخصوص الباور ستيرنج لرينو لوجان 2010 ؟
انا استلمت العربيه فى 18/8/2009 فول اوبشن لكن انا حاسس ان الباور ستيرنج بتاع العربيه مش خفيف يعنى مبقدرش الف الدريكسيون بلسهوله بتاعه الميجان او الهيونداى النترا مثلا و فى نفس الوقت هو اتقل من اى باور تانى - اتقل نسبيا -- ارجو الافاده

رد: اى حد محتاج اى معلومه عن الرينو

موضوع جااامد يا بوب تسلم ايدك
ف مشاركة سابقة ليك ف الموضوع ده قولت انك ركبت الرينو لوجان
ياريت تكلمني أكتر عن مدي ثباتها
ويعني بتساوي عربية زي إيه ف ثباتها ع الطريق وسحبها
وياريت تكلمني عن حجم صالونها
وتسلم ايدك يا بوب

رد: اى حد محتاج اى معلومه عن الرينو

اقتباس:

المشاركة الأصلية كتبت بواسطة aboeshok (المشاركة 69804)

يا باشا انا بعتذر لحضرتك عن التأخير ده فى الرد
اولا هو طبيعى ان الباور بتاع اللوجان اتقل من الميجان والالنترا لان الاتنين دول باورهم كهرباء وطبيعى ان الباور الكهربائى اخف من الباور الزيت العادى(اللى هو اللوجان)
غير كده انت ممكن تحس انه اتقل من باور اللانوس مثلا او الفيرنا وده مقصود فى العربيه لان موضوع تقل الباور النسبى ده بيعزز من ثبات العربيه على السرعات
وارجو انى اكون قدرت افيدك ولو بنسبه بسيطه ولو حضرتك عايز تعرف اى حاجه هكون موجود انا ورجاله الرينو ان شاء الله

رد: اى حد محتاج اى معلومه عن الرينو

اقتباس:

المشاركة الأصلية كتبت بواسطة forensic2000 (المشاركة 70475)

باشا بالنسبه لثباتها هى ثباتها محترم لغايه 150 وراعى انها نازله بجنوط حديد 15 يعنى جنوط كبيره وده بيساعد فى موضوع الثبات
ثباتها مقارب للكليو
سحبها يعتبر نفس سحب الكليو
حجم صالونها اكبر من اللانوس شويه بس مش كتير
ارجو انى اكون قدرت ارد على استفسارات حضرتك ولو فيه اى استفسارات تانيه هكون موجود ان شاء الله

رد: اى حد محتاج اى معلومه عن الرينو

والله بدون مجاملة انت فعلا جامد وبحس من كلامك إنك فاهم بتقول ايه
بالنسبة لأسعار قطع الغيار بتاعت اللوجان

سعر طقم "البوجيهات" يبلغ 88 جنيها
سعر فلتر بنزين المحرك 60 جنيه
سعر فلتر الزيت 30 جنيه
سير الدينامو 90 جنيه.
سعر طقم سير الكاتينة 295 جنيها
طقم تيل الفرامل 225 جنيها
سعر المساعد الأمامي 385 جنيها ، والخلفي 390 جنيه
الرفرف الأمامي 679 جنيها
والفانوس الأمامي 495 جنيها ، والخلفي 225 جنيها.

وأشارت (EIM) إلى أن أسعار جميع قطع الغيار السالفة لا تشمل ضريبة المبيعات وعليها ضمان 12 شهرا.

إيه رأيك يا باشا والأسعار دي قريبة من أسعار قطع غيار إيه غير رينو وبتبقي أرخص أد ايه لو مش أصلية ومدي صلاحية الغيار اللي مش أصلي

معلش آخر استفسار العربية اللوجان اللي ركبتها كانت فئة ايه فيهم بالظبط ولا كلهم واحد ؟