مهيندرا سكوربيون
 

رجاء لو حد استعملها او عنده فكره عن سعر قطع الغيار استهلاك البنزين او الديزل هل يركب لها غاز طبيعي ولا لا ضرايبها ايه
رجاء المسعاده
العربيه تننتج فئ مصنع البافريه ؤمنها سولار وبنزين سعرها كسر الزيرو راءع ولكن ايه اخبارها من انواحي السابقه

رد: مهيندرا سكوربيون
 

يا حماعة الخير مافيش اي اخبار عن الماهيندرا اى حد استعملها خصوصا البنزين

رد: مهيندرا سكوربيون
 

العربية انتشاره محدود جدا لعدة عوامل اهمها على الاطلاق فئة كبيرة من الناس مابتحبش شكلها وطبعا ده اذواق تختلف من شخص لاخر

فبالتالى المعلومات المطلوبة حتبقى اصعب

وعدم انتشار السيارة ده معناه انك محتاج تعمل صيانة فى التوكيل باستمرار

رد: مهيندرا سكوربيون
 

بس ياباشا انا اقسم بالله العربيه تمام والله والدى معاه واحده 2010 2200 سىسى Turbo Diesel يعنى امشى وهاتى 3000 RPM واتفرجى على سحب العربيه اوتوماتيك 4x4 اقسم بالله عربيه تمام جدا وموتور هادى جدا رغم انه جازوسحبه جيدا جدا و عفشه جيب ليبرتى ناعمه جدا وبتستحمل طرق مصر و عاليه عن الارض كائنك راكب اتوبيس هههههه و توكيلها البافاريه بتاعت بى ام اقسم بالله مشيت بالعربيه 170 بالتكييف ثبات ممتاز عزل ممتاز تكييف اكثر من كلمه رائع والله من يوم ما والدى جاب العربيه ماعملوش اكثر من 2 و فيها فرامل ABS (مانعه للانزلاق) و Dual Air Bags (وسائد هوائيه) و Cruze Control (مثبت سرعه) و Gps وDvD امامى و خلفى و Cd و تكييف خلفى (قتحات تهويه) و اريال للتلفزيون و منبه اذا كان فى رادار ولا حاجه و كاميرا خلفيه و فتيس غرز مكون من 2h,4Lo,4h وجنوط اسبور مقاس 16 انش عريض انا عايز واحد يقولى عربيه فى مصر جوده هنديه تمنها 170 الف بكل الكماليات دى وعلى فكره تقفيل هندى مش بتطلع بافراج جمركى لان ال DvD والاضافات دى بتتركب فى مصر لكن العربيه كلها هندى وعلى فكره فيها Hok خلفى وامامى و سلم جانبى لسهوله الدخول و الخروج من السياره./ اما ال 4x2 منها بنفس الكماليات كلها ماعدا الجنوط الاسبور العريضه بتيقى جيه بطاسات وبدون ال Hok وتمنها 143 الف والله العربيه ممتازه عمله حوالى 16000 كم حتى الان تمام جدا جدا انا باخدها على طول من والدى و اديله الرام لانها كبيره اوى ههههههههه و فى الاول والاخر الخيار لك ومبروك مقدما على اى اختيار واستخيرربنا قبل اى شئ واى استفسار انا متواجد واسف على الاطاله اما الضريبه معقوله وبعدين بتخف كل سنه

اما لو عايز واحده جاز مانيوال 2600 4x4 قدامى واحد زيرو عامله 120 كم لسه الجنوط بورقه وعامله 108 الف وتمنها جديده 160 الف لو عايز اى معلومات عنها قولى وانا تحت امرك واسف على الاطاله

رد: مهيندرا سكوربيون
 

شكرا جزيلا على الاهتمام انا شوفت وحده ديزل 2600 صاحبها بيشكر فيها لكن صوتها استحاله تنفع ملاكى انا خلاص اشتريت تيجو 2000 اوتماتيك ربنا يبارك لك لاهتمامك