مصر موتورز مجتمع السيارات - للرد على استفسارات الاعضاء والدعم الفنى لمالكى الفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: للرد على استفسارات الاعضاء والدعم الفنى لمالكى الفيرنا

اقتباس:

المشاركة الأصلية كتبت بواسطة nsamooo (المشاركة 768795)

ألف شكر لمجهود حضرتك بس معلش انا مش فاهم ايه الكيك داون ؟
وهو الفتيس الاسيتراد ممكن اشتريه من الاسكندرية ولا ساعتها لازم اسافر القاهرة ؟

الكيك داون يعنى الامركة
والفتيس اعتقد انه موجود فى الحرفيين عندكوا فى الاسكندرية
وبعدين حضرتك عاتل هم الفتيس كدة ليه ربنا ما يجبش حاجة وحشة ان شاء الله

رد: للرد على استفسارات الاعضاء والدعم الفنى لمالكى الفيرنا

اقتباس:

المشاركة الأصلية كتبت بواسطة shando (المشاركة 768801)

بليز صيانه ال 10,000 بكام فى غبور و ايه الى هايحصل فيها :fun_36_1_39[1]:

بيغيروا الزيت والفلتر وبيشيكوا على سوائل العربية مياه الريدياتير ومياه قربة المساحة وزيت الفرامل والدبرياج والباور وتربيط العفشة
وتكلفتها بتختلف حسب نوع الزيت اللى هتحطه يعنى زيت ال10000ك غير ال 5000ك
يعنى اعمل حسابك فى 400جنيه

رد: للرد على استفسارات الاعضاء والدعم الفنى لمالكى الفيرنا

اقتباس:

المشاركة الأصلية كتبت بواسطة M.TONSY (المشاركة 768861)

شكرا جدا استاذ تونسى :fun_36_1_39[1]:

رد: للرد على استفسارات الاعضاء والدعم الفنى لمالكى الفيرنا

السلام عليكم ورحمة الله
العربيه بدات اول حكة تقريبا فى علبة الشكمان
مع ان لسه اسطوانة الغاز فاضيه مع حمولة شخصين بالخلف
ايه هى التعلية المثلى للعفشه الخلفيه من فضلكم
يعنى صداده ولا كاوتش علايه ولا سست ناشفه مختلفه ولا ايه ؟
وشكرا جزيلا:140109~347:

رد: للرد على استفسارات الاعضاء والدعم الفنى لمالكى الفيرنا

اقتباس:

المشاركة الأصلية كتبت بواسطة waelsalah (المشاركة 767274)

ولا يهمك يا ابو حميد
الاهم انك تكون بخير دايما يارب

بسمع صوت زى التربو بس اوطى منه ومبيعلاش
والجديد بقا صوت زى ونة الدينامو فوووووو بس مبتعلاش
ده طبيعي خصوصا مع التليين ولالا ؟

فرامل الفيرنا بتسحف ومطمنش

علما بانى مبجريش وجوه البلد اصلا لو جبت سرعة 60 يبقي كتير كمان ؟
بس لما بحتاج الفرامل فجاة مش كفئ 100 %

هل في حلول اعملها ؟

وشكرا جزيلا

بالنسبه للاصوات مقدرش افيدك فيها لان لازم اسمع الصوت بنفسى ياوائل الاول
وخد بالك
لما يكون عندك اى مشكله فى العربيه
مفيهاش اى مشكله لما توقف اى سواق اجره فى ا لبنزينه وتساله وهيفيدك باعتبار انكوا اصحاب مهنه واحده وهايدلك كمان على المكان اللى تظبطها فيه
ودايما بقولك اسال ومش تتصرف من دماغك الا لما تاخد الخبره الكافيه بالعربيه ان شاء الله
ولكن عامه بعد التليين العربيه هاتظبط معاك جدا ومتقلقش
بالنسبه للفرامل
للاسف فرامل الفيرنا مش كفء بنسبه 100 % لان المتور جبار لايتناسب مع حجم العربيه
عاوز اضيف واقول كمان ان العربيه من قدام بتغرف هواء وانت ماشى وبتكون معبيه هوا من عند الستاره والشبكه كده
وربنا يسترلك طريقك ويرزقك منها الرزق الحلال