مصر موتورز مجتمع السيارات - يرضى مين الكلام ده ياعالم (ارتوك اوتو تشن حملة ضارية ضد السيارات الخليجى)

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

يرضى مين الكلام ده ياعالم (ارتوك اوتو تشن حملة ضارية ضد السيارات الخليجى)

والله مانا عارف اسمية ايه ده !!

هى حملة ضد انتشار السيارات الخليجية وخاصة بعد لجوء الكثير من الناس لهذا الاختيار هرباً من سطوة التوكيلات واسعارها وكمالياتها المنتقصة وصيانتها الهلامية

فكان الحل كما تراه ارتوك اوتور بان يدفع كل من يشترى سيارة خليجية مبلغ 7000 جنية كأتواه معرفش ولا ايه علشان يقدر يعمل صيانة جوة التوكيل

ماشى بس ايه حكاية الاجهزة اللى متوصلة بين التوكيل والتشيك مباشرة ديه !!!!!!

ديه افتكاسة جديدة جداً ptmnlo123per154

نص الخبر كما نشرتة كونتكت كارز

نبهت شركة "سكودا" التشيكية عملائها في مصر من خلال شركة "أرتوك أوتو" وكيلها الوحيد في جمهورية مصر العربية أن جميع موديلات "سكودا 2009" يستخدم في إصلاحها أجهزة ضبط الكترونية مرتبطة بالشركة الأم في جمهورية التشيك مباشرة عن طريق شبكة اتصالات خاصة.

وذكرت الشركة في بيان عبر وسائل الإعلام المحلية يوم السبت أن هذه السيارات لا يتم إصلاحها أو إتمام علميات الصيانة الدورية الخاصة بها إلا عن طريق مراكز الخدمة التابعة لها فقط والمعتمدة لدى شركة "أرتوك أوتو".

وكشف البيان عن أن هذه الخدمة متوافرة فقط للسيارات التي يستوردها الوكيل وتحمل كود إنتاج المواصفات المصرية المطلوبة "711ET" مجاناً حسب نظام الصيانة الخاص بـ"سكودا".

أما السيارات التي تستورد من غير طريق الوكيل لن يتم التعامل معها إلا بعد سداد الرسوم المعتمدة من "أرتوك أوتو" وقدرها 7000 جنيهاً عن كل سيارة بشرط السداد قبل حدوث أي أعطال بالسيارة وذلك مقابل أيضا اعتماد كُتيب الضمان.

ونوه البيان الرسمي أن أولوية الصيانة وتوافر قطع الغيار للسيارات الواردة عن طريق الوكيل أولا ، وذلك بعد حدوث بعض المشاكل الناتجة عن إتمام أعمال صيانة خاطئة في مراكز غير معتمدة وغير مجهزة بهذه الأجهزة.

رد: يرضى مين الكلام ده ياعالم (ارتوك اوتو تشن حملة ضارية ضد السيارات الخليجى)

دى فعلا بلطجة رسمى ,, ... و اشتغالات للبشر كمان

و كمان لازم تدفع قبل ما العربية تعطل ... حسبى الله و نعم الوكيل

رد: يرضى مين الكلام ده ياعالم (ارتوك اوتو تشن حملة ضارية ضد السيارات الخليجى)

بصراحة سكودا معندهاش في مصر حاليا غير الاوكتافيا
بلاها اوكتافيا و بلاها أرتوك أوتو
يا جماعه البدائل كتير لغاية لما ربنا يكرمنا في مصر بتوكيلات تحترم الناس و حكومة تربي التوكيلات مش تنصص معاها
حسبي الله و نعم الوكيل

رد: يرضى مين الكلام ده ياعالم (ارتوك اوتو تشن حملة ضارية ضد السيارات الخليجى)

مفيش فايده ......................... ...... النصب بقه علني ياجماعه
أنا لو عندي سكودا أراسل الشركه الأم وأشرح لها الإستهبال ده وهما حيعرفوا يتصرفوا معاهم صح

رد: يرضى مين الكلام ده ياعالم (ارتوك اوتو تشن حملة ضارية ضد السيارات الخليجى)

مش المفروض ان التوكيل ملزم بصيانه اي عربيه حتى لو مش هو اللي بايعها ...
مش بياخد فلوس في الصيانه
و لا الناس لازم تدفع دم قلبها في عربيه تمنها اغلا و مواصفاتها اقل علشان الوكيل يحن علينا كل 10 الاف يلو بفلتر وطبه زيت ... وتمنهم مدفوع وبزياده كمان !!!!!! ptmnlo123per195
طيب هي الشركه الام موافقه على الكلام ده ؟؟
طب لو بكره الصبح الوكيل اتغير ... يبقى الوكيل الجديد يدفع اللي اشترو من الوكيل القديم برضو ؟؟!!!
طبعا الاجهزه المتصله بين الوكيل و التشيك هو الكارت بلانش اللي سكودا اديتهوله يلطش بيه للناس !!!!!
حسبي الله و نعم الوكيل