مصر موتورز مجتمع السيارات - أسئله حائره مع المسؤل فى التوكيل

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - أسئله حائره مع المسؤل فى التوكيل (https://www.masrmotors.com/vb/showthread.php?t=63444)

أسئله حائره مع المسؤل فى التوكيل

أثناء عمل الصيانه جلست فى الاستراحه المكيفه وقلت أدخل على المسؤل عن المركز لطرح بعض الاسئله الحائره لدينا وكنت بشد الاجابه منه بالعافيه ( الظاهر واخد تعليمات بعدم التحدث مع مالكى ا
لسيارات )
قلت له لماذا هذا التجاهل من التوكيل للسياره الجاك وعدم إنتشارها

قال كنا عاملين خطه هذا العام بإحضار عدد كبير من السيارات الجاك ووضعها فى كل المعارض وعمل دعايه كبيره لكن ظروف الثوره واوضاع البلد حال دون ذلك ......لأن كل المعارض أرجعت إلينا كل السيارات الجيلى لديها خوفا من احداث الثوره والهجوم على المعارض وتكسير وحرق وسرقه السيارات وبالتالى لغينا كل الكميات المتعاقدين عليها لحين إستقرار الاوضاع فى البلاد وقال حتى الان خايفين نجيب عربيات ليحصل إرتداد للثوره .
وقال مش إحنا وبس كل التوكيلات عملت كده وإللى بيتعرض دلوقتى أخر الاسبوع بيرجع المخازن من الخوف .

قلت له كان أولى تقفيل الجاك b15 بدلا من الجاك إيجل

قال حسبناها لقينا الفرق هيكون حوالى 10 الاف جنيه و 40% مكونات مصرى وخفنا من المكونات المصرى ليكون مش فى صالح العربيه .... وسألنى سؤال إنت تفضل إنها تكون صنع بلدها وتضحى ب10 الاف جنيه ذياده ولا صناعه مصرى وتبدأ تظهر العيوب ؟؟؟؟؟
قال الجاك إيجل فى بلدها فوق ال200 الف ولما قفلناها هنا وصلت 135 الف يعنى الفرق 70 الف وده مبلغ كبير غير الفرق فى ال لb15 ...........وبصراحه شفت الجاك إيجل هناك عربيه تحفه .

وسألته عن سبب إرتفاع أسعار السياره

قال عشان مستورده والدولار كل شويه طالع والغلاء ده هتلاقيه فى كل المستورد وشوف المستورد ذيها من الصين وصل كام ؟
وقال متفرقش كتير هتلاقى الفرق بين الصينى الصناعه المصرى والمستورد حوالى 10 الاف جنيه وده هتلاقيه فى جوده السياره .

وسألته ليه الغيتوا التعاقد مع مركز الخدمه كوين سرفيس

قال بيبيع قطع الغيار للسيارات الجيلى بأضعاف تمنها للعملاء ولما تستقر الاوضاع فى البلد هنتعاقد مع مراكز تانيه إحنا عايزين نريح الناس ....................دماغى صدعت وسبته ورحت أشرب فنجان قهوه وإتصلوا بيا قالوا الصيانه خلصت .
تحياتى لكم

رد: أسئله حائره مع المسؤل فى التوكيل

حوار جميل وفعلا مهما كان الاولى تجميع البى 15 مش الجاك ايجل

رد: أسئله حائره مع المسؤل فى التوكيل

الف مليون مبروك يا دكتور كمال علي الصيانه وربنا يديك خيرها ويكفيك شرها

رد: أسئله حائره مع المسؤل فى التوكيل

اقتباس:

المشاركة الأصلية كتبت بواسطة odaoda (المشاركة 478522)

حوار جميل وفعلا مهما كان الاولى تجميع البى 15 مش الجاك ايجل

اتفق معاك يا استاذ اودا انةحوار جميل ولكنى اختلف معاك والاختلاف لا يفسد للود قضية فى انةالافضل والاحسن ان الجاك تفضل تقفيل خارجى
بص على الاسبرانزا وبص على البريليانس علشان تقفيل مصرى العيوب كتير
ورغم ان الجاك تقفيل خارجى الا انة ممكن يحدث مشاكل مثل ما حدث معى
فما بالك لوكانت تقفيل مصرى

رد: أسئله حائره مع المسؤل فى التوكيل

اقتباس:

المشاركة الأصلية كتبت بواسطة odaoda (المشاركة 478522)

حوار جميل وفعلا مهما كان الاولى تجميع البى 15 مش الجاك ايجل

هو الاولى الاتساع فى مراكز الخدمه ولاتساع فى معارض السيارات والتوزيع

اقتباس:

المشاركة الأصلية كتبت بواسطة corsair (المشاركة 478535)

الف مليون مبروك يا دكتور كمال علي الصيانه وربنا يديك خيرها ويكفيك شرها

أشكرك ياكورسير وربنا يكرمك يارب

اقتباس:

المشاركة الأصلية كتبت بواسطة mr/ahmed (المشاركة 478844)

كلامك مظبوط ياأستاذ محمد