مصر موتورز مجتمع السيارات - سؤال مهم: عن الساجا !!!! ياريت تفيدوني ..........

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - سؤال مهم: عن الساجا !!!! ياريت تفيدوني .......... (https://www.masrmotors.com/vb/showthread.php?t=53561)

سؤال مهم: عن الساجا !!!! ياريت تفيدوني ..........

السلام عليكم أنا معايا بروتون ساجا, مانويل, من ابريل 2010 وعاملة 12000 كيلو كان ليا سؤال :
من فترة حسيت ان صوت المتور أعلي من الاول !!! مثلا الـRPM بيكون علي 4 علي سرعة 120 والصوت عالي فعلاً...............
كنت عاوز اعرف من الناس الساجوية هو دة عادي ولا انا عندي حاجة غلط في المتور !!!!

رد: سؤال مهم: عن الساجا !!!! ياريت تفيدوني ..........

انا هقولك عن الاوتوماتيك الساجا اللى معايا
انا لما بسافر بيها ال RPM بيوصل على 4 عند سرعة 120 بس مش بيزيد عن كده لحد سرعة 160 انا معايا الساجا من ابريل 2010 وهى عاملة لحد دلوقتى 30000 بس على فكره انت لسة 12000 متمشيش اكتر من سرعة 100 لان ده يؤثر على الماتور وفعلا صوته يعلى معاك لان الماتور لسة مفتحش هيفتح معاك بعد 20000 وعلى فكرة متغيرش زيت الماتور لاى نوع تانى بخلاف زين توتال لانى جربت وغيرت زيت موبيل 1 لقيته وحش جدا مع الساجا وبيرفع صوت الماتور وايضا زيت شل نفس الحكاية انا بغير زيت توتال دائما خارج التوكيل وكل مرة بغير زيت لازم تغير فلتر الزيت
ثاني حاجة لازم باستمرار تنظف فلتر الهواء لان عدم نظافته يؤدى لكتم الماتور وعلو صوته
ثالثا وده الاهم لما تدور العربية الصبح على الاقل لازم تسخن الاول لحد ما يوصل مؤشر الحرارة لحد الشرطة الثالثة ده هيخلى الزيت يتغلغل داخل البساتم والصمامات
ارجو ان اكون افدتك وشكرا
اخوكم أيمن عنابى - السويس

رد: سؤال مهم: عن الساجا !!!! ياريت تفيدوني ..........

شكراً يا باشا علي الاجابة ..... بس انا تقريباً بمشي فوق الـ 100 كيلو من بعد أول الف بس بعد كدة حاخد بالي ....
وبنسبة للزيت انا بغيروا في التوكيل مع الصيانات و مش عارف الصراحة بيحطوا نوعة اية !!!