مصر موتورز مجتمع السيارات - اشترى ليجانزا ولا لأ قولولى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - اشترى ليجانزا ولا لأ قولولى (https://www.masrmotors.com/vb/showthread.php?t=122709)

اشترى ليجانزا ولا لأ قولولى

(بسم الله)

قدامى عربيه ليجانزا 99 عاوز اعرف اسعارقطع غيارها واستهلاكها فـ البنزين وعيوبها ياريت حد يفيدنى

:fun_36_3_11[1]:

رد: اشترى ليجانزا ولا لأ قولولى

عربية فوق الخيال لو حالتها ممتازة وفبريكة جوا طبعا ويا سلام لو فبريكة برا كمان او تكون رشة اجناب وفبريكة كبوت وسقف وشنطة تبق 10/10
بالنسبة لقطع الغيار نفس قطع غيار النوبيرا بنسبة 80% وعند بتوع الاستيراد وفية فى قطع الغيار تيوانى وصينى وكورى كله موجود الناس كلها بتخاف منها علشان هى 2000 سى سى ويقولو الضريبة ومعرفش ايه طيب ماهى البيجو 504 2000 سى سى وموديل السبعينات كمان انما دى من موديل 1998 الى 2003 يعنى حاجة الفينات معاك والعربية دى هى هى المرسيدس بس انت مقولتش هى العربية عاملة كام فى السعر وموديل كام ومانوال ولا اوتوماتيك
ربنا يوفقك للخير ومتنساش تصلى صلاة استخارة
للاستفسار حسن شرف 01112535152

رد: اشترى ليجانزا ولا لأ قولولى

تسلم ياباشا على الرد الجميل ده العربيه حالتها كويسه نوعا ما يعنى رشه بره بس
جوه فبريكا بس المشكله انها كانت اوتوماتيك وصاحبها قلبها مانيوال
وطالب فيها 45 هى موديل 1999
بنسبه لأستهلاك البنزين ايه رأيك فيه

رد: اشترى ليجانزا ولا لأ قولولى

كويس انه قلبها مانيوال
لانى كنت حقولك يا ريت تكون مانيوال

رد: اشترى ليجانزا ولا لأ قولولى

خلى ميكانيكى يبص على العربية كويس يجربها فى المشى وعلى الطريق قبل ماتدفع جنيه واحد ويكون الميكانيكى معرفة دا أولا
ثانيا بالنسبة للسعر غالى حبتين دى كدا آخرها 41000 جنية على الحالة الى انت بتوصفها كدا
العربية دى لو فبريكة برا وجوا واوتوماتيك وحالة ممتازة تعمل 47000 جنية
وفى الآخر ربنا يوفقك للصالح وابقى طمنى عملت ايه