الزرار الخاص ب odo بالفتيس الاوتوماتيك للصني
 

الساده الكرام اعضاء المنتدي انا ربنا رزقني بنيسان صني اوتوماتيك عندي زرار في الفتيس اسمه الـ odo عايز اعرف اولا لما بيبقي شغال اللمبه بتبقي منوره و لا طافيه و ايه وظيفته

رد: الزرار الخاص ب odo بالفتيس الاوتوماتيك للصني
 

اهلا بيك
انا هبتدى معاك من الاول
هو اسمه اوفر درايف و معنى الكلمة دى الغيار الاخير اللى هو الرابع

بما ان الطبيعى ان الغيار الاخير يشتغل وانا سايق , اذن هنضغط ع الزرار ده لجوة و هتلاقى اللمبة مطفية و ده معناه انه شغال.

فى حالات بقى هنحتاج نلغى الغيار الاخير فساعتها نلغى الاوفر درايف فندوس علية تانى عشان يتلغى و ساعتها اللمبة هتنور هتكتب اوفر درايق اوف OD off يعنى ملغى ، و ده معناه ان العربية هتزود غيارات اول و تانى وتالت و بس ,مش هتنقل ع الرابع ابدا.



ايه فايدته ؟ نستخدمه امتى؟
لما تكون محتاج عزم جامد يعنى محمل العربية كتير شنط و افراد و كمان طالع مطلع او هتشد عربية او هتسابق حد هتاخد غرزة يعنى


اذن الطبيعى ان الاوفر درايف شغال و لمبته مطفية و لما نحتاج عزم هنلغى الاوفر درايف فاللمبة تنور

ان الاوفر درايف يتلغى عمال ع بطال و تفضل اللمبةمنورة عمال ع بطال ده خطر ع الموتور



دى المعلومات اللى عندى
لو حد شايف اى خطا عندى يصلحلى

رد: الزرار الخاص ب odo بالفتيس الاوتوماتيك للصني
 

اوجزت فانجزت يا دكتور احمد
لان فعلا موضوع الاوفر درايف دا بيلخبط ناس كتير اوي

رد: الزرار الخاص ب odo بالفتيس الاوتوماتيك للصني
 

العفو
ده اقل واجب

رد: الزرار الخاص ب odo بالفتيس الاوتوماتيك للصني
 

يا باشا الموضوع سهل جدا
الوضع الطبيعى ان الزرار مضغوط و اللمبة مطفية
لما تحب تلغى الترس الرابع ( مثلا عاوز عزم علشان تشد مع حد على سرعة فوق ال 90 ) حرر الزرار فاللمبة هتنور و اخر سرعة ليك هتبقى الترس التالت تقعد بقى تحرق عليه
الترس (السرعة) الاول و التانى خارج الموضوع تماما سواء اللمبة منورة او مطفية