مصر موتورز مجتمع السيارات - السرعه والتسارع

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - السرعه والتسارع (https://www.masrmotors.com/vb/showthread.php?t=3359)

رد: السرعه والتسارع

اقتباس:

المشاركة الأصلية كتبت بواسطة Nour_peugeot (المشاركة 11455)

لا خالص علي فكره العربيه مفهاش مسمار زياده مش اصلي

و لسه هعدل فيها انا بس مش دلوقتي لما ربنا يفرجها و ان شاء الله يويمن كده و انزلكم صورها

مش هي دي صورتها؟

http://www.g8g.com/download/35848e1424a8a979.jpg

رد: السرعه والتسارع

اقتباس:

المشاركة الأصلية كتبت بواسطة Nour_peugeot (المشاركة 11015)

الكلام ده ينطبق علي عربيتي بظبت

انا عربيتي بيجو 405 موديل 90 * 92 حصان السرعة القصوي 193 و انا جيبت بالفعل السرعة القصوي

و العربيه ثابته بتعمل زي المرسيدس العربيه بتفتح علي الارض

بصراحه البيجو 405 من العربيات الهايله و ابسط دليل استمراريه خط الانتاج لحد النهارده
كفايه انها شغاله مع الشرطه لحد النهارده.. الناس دول كفااااااءه ... احسن ناس تكهن عربيات

اقتباس:

المشاركة الأصلية كتبت بواسطة Nour_peugeot (المشاركة 11455)

لا خالص علي فكره العربيه مفهاش مسمار زياده مش اصليca

و لسه هعدل فيها انا بس مش دلوقتي لما ربنا يفرجها و ان شاء الله يويمن كده و انزلكم صورها

اهم حاجه في التعديل انه ميكونش للشكل بس على حساب التأديه.... لأن مواصفات العربيه من المصنع بتكون متكامله و بالتالي التعديل يكون مدروس .....
فلو فرضنا مثلا انك حبيت تغير لجنوط اكبر ... ده ممكن يديك ثبات احسن بس حيتقل الدريكسيون ويقلل السرعه
ونفس الكلام بالنسبه للسبويلر بيأثر جامد على انسيابيه العربيه و بالتالي على ثباتها و سرعتها

الهوا لما يعدي من تحت وفوق العربيه بيعمل فرق ضغط و بالتالي وزنها النسبي بيخف و ده بيزود سرعتها القصوى على حساب الثبات ...(وممكن لو اسفل العربيه مش سطح انسيابي يقلل سرعتها كمان) وبالتالي السبويلرات السفليه بتحسن ثبات العربيه لانها بتقلل كميه الهوا اللي بتعدي من تحتها .... بس عيش حياتك مع الشوارع
في بلدنا الجميله اي واحد يفكر يوطي عربيته لازم يأمن الاول على الكارتير و الشكمان من المطبات و البلاعات
على العموم مصر فيها اساتذه تعديل car running وفاهمين في كل حاجه من ميكانيكا وايروديناميكس ...

بصراحه انا معنديش فكره اوي في موضوع التعديلات وممكن يكون عندك خلفيه احسن مني بس نصيحتي ليك لما تفكر في التعديل تدرسه وميكونش الغرض منه مجرد تغيير الشكل ...

انا عارف ان كلامي مش مفيد اوي ليك .... بس ممكن تعمل موضوع عن التعديلات وتاخد فيه رأي الناس قبل التنفيذ الفعلي .... و اكيد من المشاركات حتطلع باراء كويسه

وربنا يوفقك و يباركلك في عربيتك

رد: السرعه والتسارع

اكيد يا باشا هاخد اراء الناس قبل ما اعمل التعديل

و لسه بدري اووي علي التعديل مش اقل من 10 شهور ههههههههه

رد: السرعه والتسارع

بسم الله الرحمن الرحيم
يا مان غريب انت ربنا يخليك لينا ويحفظك

ويا استاذ نور بيجو انت جبت السرعه 193 فين انا معايا لانوس 1500 cc واعلى سرعه وصلتلها كانت 160 بس انا من بورسعيد معندنا شارع نعرف نجرى فيه

رد: السرعه والتسارع

بس المفروض علشان تعمل اى تعديل ف العربيه تعرف العربيه دى تستحمل ولا لا يعنى متغيرش المحرك الصغير بمحرك كبير مثلا الانوس 1500 cc متركبلهاش محرك 3000 cc لان الكلام ده هيأذى قواعد المحرك وطبيعى البودى او متغيرش الجنط الصغير بجنط كبير عزم الموتور يقل والعفشه متوطيش العربيه لان الكلام ده منظر وسرعه وازاحه جامد بس هتيجى فوق دماغك عندنا هنا بين كل مطب والتانى نقره او بلاعه يبقى انت تنسى الشاسيه لاقدر الله او بلاش الشاسيه ممكن كرتيره شكمان يعنى ال under carried هيتبهدل انا عن نفسى ناوى اعمل شويه تعديلات بس ميجيش تعديل حاجه على حساب حاجه لو هتعدل تعدل كل حاجه مرتبطه باتانيه وانا لو قعدت اشرح هطول عليكم واعزرولى اطالتى عليكم