وصلت 100 ألف كيلو أعمل ايه
السلام عليكم ورحمه الله وبركاته
انا معايا تريوس 2010 بلاتينيوم جي ومشيت بيها لحد دلوقتي 100 ألف كيلو عاوز اعرف ايه اللي اغيره في العربية وايه اللي اعمله صيانة أنا غيرت سير مجموعة وطبعا غيارات الزيت وفلتر الزيت العادية كل حاجه في معادها ايه بقى تاني اللي اغيره او اعمله صيانة بعييييييييييييدا عن التوكيل وشكرا |
رد: وصلت 100 ألف كيلو أعمل ايه
كل الفلاتر والسيور والزيوت + شيك على تيل الفرامل + غير البوجيهات واديها غسلة حلوة من برا وجوا
|
رد: وصلت 100 ألف كيلو أعمل ايه
الطبيعى خالص انك تبص على الفرامل تغير تيل وتبص على حالة الديسكات والطنابير
وكعفشه محتاج تبص على المساعدين ومقصات وجلب لو تمام برضو تبص عليهم كل 10 الاف كم من دلوقتى لان معادهم جاى فى السكة ومن تجربتى مع عربيتى وهى معدتش ال 90 الف حتى ظهرت مشاكل فى منظومة التبريد تحديداً شجرة المية وطرمبة المية وده خلى المية تنقص وعلشان مش بخرج بيها كتير ومكنتش بكشف على المية بشكل دورى سخنت وجابت جوان فعلشان لاقدر الله متواجهش حاجة مشابهه الوقايه انك تتابع بدقة المية وتحافظ على غسيل الريداتير ودورة المية ولو ظهرت عندك اى علامات نقصان المية تبداء تتعامل معاها وغلاباً هتكون حاجة من الاتنين طرمبة او وصلات ومشتركات ميه وان شاء الله خير وطول ما ايدك فيها العربيه ديه محترمة ومش هتزعلك خالص باذن الله ربنا يهبك خيرها ويكفيك شرها يارب |
الساعة الآن 07:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017