مصر موتورز مجتمع السيارات - الايدل كنترول بيستعبط !!

السلام عليكم
عاملين ايه يا شباب
امبارح عملت حملة تنضيف للايدل كنترول و البوابة زي ما كنت قريت من مشاركات الناس هنا و

حطيت منظف انجيكشن ليكوي مولي و عملت ايدل ليرن و ظبط كل حاجة و خدت مشوار طويل شويه تقريبا من 6 اكتوبر

للقاهرة..لحد هنا و كويس.
ظهرت مشكلة غريبة جدا بعد كده..
في اول تدوير العربية المكنة صوتها عادي جدا والار بي ام تحت الواحد و مفيش اي مشكلة..مشيت بالعربية شويه تقريبا ربع ساعة..و لما

بيكون في مطب صناعي او ملف بمور العربية..لاحظت لما بمور العربية ان الموتور صوته بيعلي و الار بي ام على 2 و ساعات

يطلع و ينزل ما بين 1 و 2 و ساعات 3..و لما بدي الغيار التاني مثلا عشان اكمل الطريق..الاقي العربية

تتظبط و الار بي ام ينزل عادي..ولما امور العربية بعد كده تظهر نفس المشكلة..
وقفت على جنب الطريق وانا ممور العربية و صوتها عالي و الار بي ام علي 2..بعد تقريبا نصف دقيقة..

الموتور هدي و الار بي ام نزل تحت الواحد..
بطلت العربية و قعدت اشوف في ايه..المهم لما ملقيتش حاجة غريبة ظاهريا..دورت العربية و بدات اتحرك..

لاحظت ان المشكلة اختفت و لما امور العربية بيكون الصوت طبيعي و الار بي ام بينزل تدريجيا تحت الواحد..و

بدات اجري بالعربية لحد 130 كم/س و بعد شوية ظهرت نفس المشكلة..الموتور بيعلى و الار بي ام على المور

على 2 ولو بطلت العربية و دورتها تاني الموضوع يتظبت شوية و يرجع تاني..العربية لانوس موديل 2003
في ايه بقى وايه التفسير و الحل
جزاكم الله خير