رد: هتشري عربيه مستعمله ادخل اعرف مميزات وعيوبها وسعرها
 

تشكر يا باشا،هى الهاتش باك بالمواصفات دى تجيب قد ايه؟يعنى انزل معاه لحد كام؟

رد: هتشري عربيه مستعمله ادخل اعرف مميزات وعيوبها وسعرها
 

ليه حضرتك مؤشحتلوش البروتون ساجا اوتوماتيك ب 69 الف؟ و على القل اوتوماتيك و احدث تكنولوجيا فيهم!

رد: هتشري عربيه مستعمله ادخل اعرف مميزات وعيوبها وسعرها
 

مساء الخير ياجماعه ...بصراحه أنا قرأت عن فيات تمبرا ودخلت دماغي ...عربيه حلوه وزي ماقرأت وبحثت علي النت لقيت إن فيها موديلات تيجي بـ 30000 ألف بس 1400 سي سي ودي مافيهاش تكييف الـ 1600 سي سي هي الي فيها تكييف بس سعرها عالي شويه ...تقترحوا عليه إيه آخد 1400 سي سي ولا أشتري عربيه نوع آخر مكيف في حدود مبلغي ....

أرجو منكم الاهتمام ياذوي الخبره ... كان عندي ريجاتا حلوه بس كانت قديمه شويه وكان فيها شويه أعطال ... فياريت محدش يقترح لا شاهين ولا ريجاتا ...

رد: هتشري عربيه مستعمله ادخل اعرف مميزات وعيوبها وسعرها
 

من واقع خبرتي مع التمبرا مو 90 1400 سي سي مستوردة من بورسعيد لمده 5 سنوات ممكن اوقلك الاتي:
المميزات: سيارة جميلة جدا-كراسيها مريحة جداااا وخصوصا كرسي السائق والكنبة الخلفية-صاج جامد متين يتحمل الخبطات-الشنطة واسعة -التسارع بتاعها جميل جدا وخصوصا في اول طلعة متحسش ان العربية تقيلة نهائي ..بتنط نط..-شكل مقبول-قطع غيار رخيصة-كل الميكانيكية يعرفوا يشتغلوا فيها- ثبات معقول لحد 120 كم

العيوب:
العربية فاضية نهائي .يعني مفيش تكييف مفيش سنتر مفيش باور مفيش انذار -العفشة مش كويسة..رغم اني غيرتلها كل العفشة الا اني لم احصل على الاستجابة المطلوبة-ميه الريداتير دايما بتنقص رغم اني كنت مغير الريداتير بريداتير جديد بتاع اونو لانهم في التوكيل ملاقوش الريداتير بتاعها عشان هم عندهم الريداتير المصري بتاع ال 1600 سي سي -الطابلوة من اسوأ ما يمكن وبيتخلع على طول وبيترج منك في المطبات-ثبات مش كويس بعد 120 كم-الجريدة والوش الداخلي بتاع الابواب دايما بتتخلع لانها راكبة على كليبسات وصعب تلاقيها الا في التوفيقية.. يعني لو الباب اتفك منك مرة واحدة مش ممكن يرحع زي الاول تاني ..انا فكيت الاربع ابواب عشان اعمل سنتر وانذار ومن ساعتها وهم مش زي الفابريقة اللي استلمت بيها العربية من بورسعيد..

بالنسبة للسعر انا بعتها منذ 3 سنوات ب 35000 الف وكانت عاملة 120الف كم

تقبل تحياتي

رد: هتشري عربيه مستعمله ادخل اعرف مميزات وعيوبها وسعرها
 

صباحكم فل إزيكم ياجماعه عاوز رأي الخبراء في الدايو رايسر إيه رايكم فيها لو حد إستعملها أو سمع عنها وكمان قطع غيارها متوفره وسعرها مقبول أو عالي زي الفيتات أو أكثر ... موجوده في غزبة شلبي ولا فين ...!!! تحياتي لكم مقدما وياريت متبخلوش عليهبالمعلومات لإني محتاج أعرف وأتعلم منكم يازوي الخبره