ممكن حد يفهمنى
 

النهاردة الصبح كنت فى مشوار خاص بى وبعدين لاقيت معرض هيونداى فى أكتوبر قولت أدخل أخد فكرة عن الأسعار لأنى مأجل الشراء تضامنا مع حملة خلوها تصدى وموديلها يعدى المهم سألت عن النيو أكسنت فلقيت الاستاذ اللى فى المعرض بيقوللى حاجات غريبة منها
1- سيبك منها وخد الm11 وقعد يمدح فى الm11 ....أنا مش بقول ان الm11وحشة ولكن أنا بكلمة على النيو أكسنت الأغلى وهو يقوللى سيبك منها...طيب لية؟
2- أقوله معلش أنا عايز النيو أكسنت الشكل الجديد2011 يقولى طب وليه تدفع 4000 زيادة على تغيرات مش جوهرية؟< أشارات المرايات- شكل الشبكة الأمامية والشكل العام أحلى> انا عارف أنه عايز يتخلص من موديلات2010 ممكن حد يفهمنى وشكراROSE4U

رد: ممكن حد يفهمنى
 

متـــــــــــــــــــــــ ـــــــــــابــــع

رد: ممكن حد يفهمنى
 

الموضوع مش محتاج ياحبى انتة جوبت على نفسك دة تاجر والموديلات ال 2010 الى عندة فاضل عليها شهر وتتحرق وتتباع ااقل من سعرها فى نفس السنة لاكن النيو اكسنت ال 2011 لسة بدرى جدا عليها قدمها 13 شهر عشان الموديل يتحرق وبعدين حضرتك كنت تقولة وانتة مالك انتة حتركبنى على مزاجك انا بسئلك على نوع عربية معينة ياترد عليا يا سلام عليكم 444546

رد: ممكن حد يفهمنى
 

شكرا يا باشا على المرور أنا حبيت أتأكد انى بفكر صح وانه مفيش سبب تانى

رد: ممكن حد يفهمنى
 

التاجر اللي يقعد يقنعك بعربيه و انت بتسأل على عربيه تانيه و الاتنين معروضين عنده يبقى على طول عايز يا اما يبيع العربيه اللي فيها مكسب زياده او اللي قاعده عنده او فيها عيب وعايز يزحلقها ..
وده حله بسيط اوي ... يتقاله لما هي احسن بتعرض التانيه ليه ... حيقولك علشان ليها زبونها او في ناس بتشتريها ... وساعتها الرد عليه وانا عايز اعمل زي الناس :)