مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   سفارى وطرق (https://www.masrmotors.com/vb/forumdisplay.php?f=7)
-   -   دليل الطرق المصرية (https://www.masrmotors.com/vb/showthread.php?t=41071)

miam0502788391 28-11-2010 08:40 PM

دليل الطرق المصرية
 
هذا الموضوع دعوة الى كل الأعضاء الذين يسافرون على طرق مصر المحروسة والغرض من طرح هذا الموضوع أن تعم الفائدة على كل من يريد السفر الى مكان ما , لأنى بحثت فى قسم الطرق و السفارى لم أجد شىء عن هذا الموضوع
يعنى مثلا أنا فى المنصورة لو عاوز أسافر القاهرة ايه الطريق اللى ممكن اسلكه , طوله كام كيلو , وصف الطريق , واسع أم ضيق , عليه مطبات ولا لأ , ايه المحاذير اللى المفروض المسافر على الطريق ياخد باله منها
ولأن معظم الأعضاء عندهم سيارات وسافروا أماكن كثيرة فالدعوة عامة الى كل الأعضاء بالمشاركة

وأستأذن حضراتكم أن يكون الكلام عن طريق ما بالطريقة الآتية :
- اسم الطريق
- طول الطريق
- المدن التى يمر عليها
- وصف الطريق يعنى مميزاته وعيوبه ( مفرد أو مزدوج , مضاء أو مظلم , طريق واسع أو ضيق, مطبات ......الخ)
- عليه رادار وأماكن الرادار
- فيه كمين مباحث ولا لأ


لو فى اى عضو يريد أن يزيد عن تلك النقاط مفيش مشكلة حتى تعم الفائدة

ومع كثرة المشاركات سنجد أننا جمعنا كل الطرق اللى مصر ويصبح الموضوع دليل للسفر لكل واحد منا يريد السفر لأى مكان

miam0502788391 28-11-2010 08:43 PM

رد: دليل الطرق المصرية
 
ونبتدى بسم الله

- اسم الطريق : المنصورة – جمصة (رافد للطريق الدولى الساحلى)
- طول الطريق : حوالى 55 كيلو
- المدن التى يمر عليها : الطريق يعتبر جديد وتم شقه وسط الأراضى الزراعية إلا انه يمر على مدينة بلقاس من من خارج المدينة ثم عدة قرى تابعة لمدينة بلقاس حتى جمصة
- وصف الطريق :
الطريق مزدوج على طوله ومن المنصورة حتى مدينة بلقاس الطريق ضيق ومن أضيق الطرق المزدوجة اللى ممكن تشوفها فى حياتك لك أن تتخيل لو اتنين نقل تقيل بيمشوا جنب بعض لا يفضل بينهما سوى مسافة ضيقة لا تتجاوز 50سم لكن بعد بلقاس الطريق بيوسع حتى الطريق الساحلى
الطريق مظلم فى معظمه تقريبا مفيش عليه نور يعنى خد بالك بالليل
كتير الملفات (حوالى 16 ملف انا عديتهم) ومنهم اتنين خطرين وبتحصل عندهم حوادث سلمكم الله
المشى على الطريق كويس والرصف جيد لأنه جديد وحديث نسبيا
المطبات : الطريق فى أول إنشائه كانت لا توجد عليه مطبات لكن حديثا تم إنشاء مطب عند قرية وزير واثنين آخرين عند قرية زيان
- عليه رادار وأماكن الرادار: لا يوجد عليه رادار لكن كل حين ومين ممكن الظابط يطلع هو واللى معاه ويحطوا كاميرا ويصطادوا المخالف لكن فى اغلب الأحوال مفيش رادار
- فيه كمين مباحث ولا لأ : مفيش

miam0502788391 28-11-2010 08:48 PM

رد: دليل الطرق المصرية
 
اسم الطريق : جمصة – بورسعيد ( امتداد للطريق الساحلى)
طول الطريق : حوالى 80 كيلو
المدن التى يمر عليها : من الخاج دمياط الجديدة ودمياط
مميزاته :الطريق مزدوج على طوله واااااااااااسع ممتد ورصف جيد ومفيش مطبات عليه, قليل الملفات
عيوبه : مظلم كله حتى غير مجهز بأعمدة نور ولا ناويين يجهزوه , فواصل الكبارى العلوية اللى عليه من أسوأ الفواصل اللى هتشوفها فى حياتك ومفيش اسوأ من كده بتبهدل الكاوتش
عليه اتنين رادار الأول قبل مدخل دمياط وده تابع لمرور دمياط والتانى فى مدخل بور سعيد وده تبع لمرور بورسعيد فخدوا بالكوا

miam0502788391 28-11-2010 08:49 PM

رد: دليل الطرق المصرية
 
وده رابط
ازاي اروح دسوق من القاهرة
http://www.masrmotors.com/vb/showthread.php?t=25358

miam0502788391 28-11-2010 08:51 PM

رد: دليل الطرق المصرية
 
وده رابط
تحديث / المسافات بين القاهرة والاسكندرية الى جميع المحافظات
http://www.masrmotors.com/vb/showthread.php?t=20519


الساعة الآن 02:06 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017