CHEVROLET LANOS
 

هل من احد قد قام بشراء هذه السياره فعلا؟؟
و ما رايكم فيها بالمقارنه بالفيرنا او الافيو مثلا من الناحيه العمليه اي الصيانه و قطع الغيار و المرونه في الزحام مثلا .
انا اعلم انها لا تختلف عن الدايو السابقه في شيء و لكني اريد وجهة نظركم في اللانوس عامة و شكراً .

رد: CHEVROLET LANOS
 

عربيه ممتازة للسوق المصري و ده حكم السوق بغض النظر عن المقارنات و الحقائق الفنيه

العربية بقالها 9 سنين في السوق المصري بستسخدم في صالات السيارات للايجار و مع الشركات و مازالت

لكن

مع شيفروليه لسه الوضع مش واضح . . . ليه
- جودة التجميع لم تتضح بعد بالمقارنة بتوكيل ابو الفتوح
- في كلام بسبب مشاكل جنرال موتورز و بالتالي هل سيستمر انتاجها أم لا -غير واضح-

انما من مميزاتها توافر قطع الغيار وبأسعار مناسبة و تنوع اماكن الصيانة

أنا رأيي اصبر كام شهر لما تبان في مشاكل في تجميعها و لا لأ و يبان حتستمر ولا لأ يعني علي شهر 6 كده تبقي الأمور واضحة أكتر

رد: CHEVROLET LANOS
 

شكراً يا استاذ اسلام بس انت مجبتش سيرة الفيرنا 1600 في الموضوع خالص يا تري ممكن ندخلها في المقارنه معاهم ؟

رد: CHEVROLET LANOS
 

العفو يا فندم
الفيرنا طبعا مكافئ منافس للانوس ، ان مكانش يتفوق عليها فعلا في الموتور (1600)
لكن الورش المتخصصه في اللانوس أكتر بكتير من الفيرنا و بالتالي التوكيل مش مشكلة
و طبعا الفيرنا (1600) فيها نفس مميزات اللانوس و لو ان تجميع ابو الفتوح في رأيي أفضل من تجميع غبور

رد: CHEVROLET LANOS
 

الف شكر يا افندم علي اهتمامك و ردك علي الموضوع بس انا ليا صديق معاه الفيرنا ال 1500 و بصراحه انا استخسر ادفع فيها فلوس لاني شوفت عيوبها عن تجربه اولا العربيه مفيهاش اي نوع من انواع الثبات علي السرعات العاليه خاصة في الملفات و ثانيا الفرامل بتاعتها حاجه سيئه جدا لدرجة ان صاحبي فقد الامل في انها تتعدل بعد ما سمع من التوكيل ان هيا الفرامل كده و ده عيب في العربيه اصلا بس ده لا يمنع ان الموتور بتاعها حاجه حلوه جدا بس للاسف متقدرش تعمل بيه حاجه للعيوب اللي ذكرتها من شويه و ده عكس اللانوس صحيح انا مركبتهاش و لا ليا حد صاحبي معاه واحده بس في ناس بتشكر فيها عن الفيرنا من حيث الثبات في السرعات العاليه و دي اهم حاجه بس موتورها مش بكفاءة الفيرنا ال 1500 حتي. و شكرا مره كمان يا اسلام