محتاجة مساعده من اهل الخبرة
 

ممكن حد يفيدنى و يدلنى على حد كويس فى المنطقة الحرة بالاسكندرية علشان عايزة عربية معاقين
و تكون حالتها كويسة و سعرها فى المعقول و يكون عنده ضمير لانى روحت و لافيت كتير مافيش غير 2 بس هناك و حاسيت انهم طمعين شويتين
يعنى ممكن نقول موديلات دايوا افضلها و احسنها و اسعرها و لو فى مكان ثقة

رد: محتاجة مساعده من اهل الخبرة
 

حضرتك رحتى وشوفتى على الاقل قولى للى مش راح ولا شاف أسكندرية عاملة ايه من حيث السيارات والأسعار.. قولى لنا إنطباعك عن الاسعار والموديلات الموجودة. أنا شخصيا اعرف ان المنطقة الحرة باسكندرية عربيتا بتكون كويسة فأسعار اكيد اغلى شوية...

رد: محتاجة مساعده من اهل الخبرة
 

هى فعلا اسكندرية عربيتها من حيث الشكل العام ممتازة المشكلة فى الضمير
و الاسعار لافيتا موديل 2001 بـ 42000 و نوبيرا 2 موديل 99 بـ 33 المشكله انى خايفة من العيوب الداخلية اللى مش ظاهرة انا عايزة حد يكون امين و عنده ضمير و يقولى عيوب السيارة قبل مميازتها فاهمنى لو حضرتك تعرف حد كدة يا ريت تفدنى و اكون شاكرة لحضرتك

رد: محتاجة مساعده من اهل الخبرة
 

للاسف يا أستاذة هذا صعب ان حد يقول لك على عيوب السيارة، لانه لو قال مش هتتباع اصلا وكدة هيخسر. هو بيسيبك تكتشفى بنفسك، علشان كدة بناخد ميكانيكة علشان نتلافى العيوب الكبيرة اللى بتتطلب كثير فى الإصلاح أم العيوب البسيطة فمش مشكلة قوى. اهم حاجة الاساسيات من ماتور وشاسية وعفشة وطبعا الصدى. العربية الحالة النادرة مش بتيجى مصر لانها بتكون غالية والتاجر عاوز اقل حاجة وتكون شادة حيلها من حيث الشكل علشان الزبون يتخم....

أما من حيث الأسعار فهى أسعار السوق الان. بمعنى انه لو كان هذا السعر قبل الفصال يبقى كويس وزى بورسعيد فأحسن لك انك تشترى من أسكندرية علشان توفرى مصاريف النقل وكمان ممكن تروحى بسهولة كذا مرة فى الاسبوع لحد ما تلاقى حاجة تعجبك..

على فكرة تجار المنطقة الحرة بيكونوا معدودين يعنى مش من اى تاجر تشترى