مصر موتورز مجتمع السيارات - عفوا اميجراند .. عفوا غبور ..

مصر موتورز مجتمع السيارات (https://www.masrmotors.com/vb/index.php)

- جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)

- - عفوا اميجراند .. عفوا غبور .. (https://www.masrmotors.com/vb/showthread.php?t=101573)

عفوا اميجراند .. عفوا غبور ..

لما كترت الخناقات والمشادات بين كتير من الاعضاء بخصوص الاميجراند وخصوصا موضوع التقفيل فقررت اعمل رحليه ميدانيه لموقع الاحداث لتبيان حقيقه الامر يمكن اكون ظلمت ناس كتير او العكس برضه ممكن وجايز .
قولت في نفسي يمكن تكون العربيه مختلفه عن اللي شوفتها في 2010 كتير وبالفعل انطلقت في رحله للبحث عن الحقيقه .
وانطلقت بسيارتي الغاليه الانجلون الي الاسكندريه وفي رحله قصيره علمت فيها علي كتير فالطريق وصلت بحمد الله الي مقر المعاينه بالداون تاون

ومن اول طله لفت انتباهي جمال وشياكه العربيه
وبعد الفحص الممل والتدقيق والتمحيص جاء قرار اللجنه الفنيه كالاتي :

السياره طبعا مختلفه كتير عن اللي شوفتها قبل كده من حيث مميزات وعيوب

المميزات والتي تمتاز بها عن اختها الانجلون
1- الفرش الجلد
2- خامات التابلوه
3- المساحه الداخليه وده لان الكراسي صغيره بشكل ملحوظ
اما الباقي فللاسف الانجلون تكسب بمراحل فكل شئ

نيجي بقي للاختلافات واللي كتر فيها الجدل
بالنسبه للقفلات بتاعت العربيه من كبوت ورفارف واكصدمات فهي زي الفل الي ان ....
قمت بمهمه انتحاريه وهي دي اللي زهقتني بجد وعرفتني اني مش لازم اقاوح واعمل زي الناس اللي بانتقدها واحكم من غير ما اشوف بس انا للاسف كنت بتكلم علي اساس العربيه اللي شوفتها قبل كده في 2010 ما علينا
المهم ..
المهمه الانتحاريه كانت عباره عن فتح شنطه العربيه !!!!!!!!!!!!
ايوه الشنطه وما ادراك ما الشنطه صدمه كبري
الفلتو فعلا طلع زي الزفت
الزنب حدث ولاحرج
يعني كل حاجه اتعملت في مصر حتي الطلاء تعبان للاسف

وده صور المعركه ....

http://a7lashare.com/viewimages/d2c76c4145.jpg
http://a7lashare.com/viewimages/e34f654563.jpg
http://a7lashare.com/viewimages/cef8e40512.jpg

ودي صوره في نهايه الفحص
http://a7lashare.com/viewimages/a6ba21dd45.jpg

بس للامانه واالاهميه قال صاحب المعرض ان العربيات دي للعرض وليست للبيع وذلك لمشاكل التقفيل وانا قولتله لعلمك انا بحارب عشان العربيه دي وانا حغير رأي وانصح الناس انها بلاش تستلمها بالمنظر ده قاللي ابدا العربيات اللي حيستلمها العملاء ستكون خاليه نهائيا من اي مشاكل فالتقفيل

ولذلك بقول بعلو صووتي اوعي حد يستلم العربيه وهي فيها اي عيب ضروووووري
افحص عربيك كويس
وارفض استلامها لو فيها لمبه مش شغاله مش فلتو وزنب وبس
وانا تحت امركم فاي استفسار
:fun_36_3_11[1]:

رد: عفوا اميجراند .. عفوا غبور ..

اخيرا اقتنعت اخييييييييييييييييييييييي ييييييرا لى عندك حاجه ساقعه ايه ياترى

رد: عفوا اميجراند .. عفوا غبور ..

السلام عليكم
الف شكرا لك اخى الكريم على هذه الصراحه
بس عاوز افهم يعنى ايه الفلتو ؟؟ وايه هى الزنب ؟؟؟

رد: عفوا اميجراند .. عفوا غبور ..

وبعدين بئا :shyy:
احنا نمشي يمين ولاشمال

رد: عفوا اميجراند .. عفوا غبور ..

اقتباس:

المشاركة الأصلية كتبت بواسطة الاستاذ/ علاء (المشاركة 789873)

السلام عليكم

الف شكرا لك اخى الكريم على هذه الصراحه
بس عاوز افهم يعنى ايه الفلتو ؟؟ وايه هى الزنب ؟؟؟

تسلم ونورت الموضوع وعن سؤالك الفلتو عباره عن ماده زي السليكون توضع بين قفلات الصاج عشان تسرب المياه والبارومه وده اللي باين في الصوره الثانيه والثالثه شكله زي ما تكون خبطه صح ؟ المفروض انه يكون خط متساوي بدون ميول ولازيادات . اما الزنب ففي مرحله التصنيع لما تقفل شفه الصاج بتاخد نغزه للتقويه وعشان ماتفتحش بتبقي عباره عن خرم زي بتاع خرامه والورق ولكنه ليس نافد وهو اللي باين فالصوره الاوله من شكله تحس انه معمول يدوي

اقتباس:

المشاركة الأصلية كتبت بواسطة osa92003 (المشاركة 789872)

اخيرا اقتنعت اخييييييييييييييييييييييي ييييييرا لى عندك حاجه ساقعه ايه ياترى

بس كده من عنيا ادي فرخايه علي ما قوسم :10CC26~164:وكمان تورتايه عشان تحلي :12C186~161: واحلي حاجه ساقعه كمان :drnk:
نورت الموضوع