محتاج مساعده اهل المنتدي انا جديد خالص
 

السلام عليكم
انا كنت اشتريت بولونيز 91 من فتره سنه ب20الف كده او قربت علي سنه
العربيه حلوه بس حصل الاتي:
المارش اتقطع روحت عملته
غيرت رادياتير ودوره التبريد واتظبطت خالص
غيرت بوجيهات وفلاتر
البطاريه لقيت فيها ربع ضارب
الفرامل ورا عايزين جهازين ب140 جنيه ده غير تركيبهم
غيرت مستر فرامل
الدينامو القاعده السليكون من غسل العرابيه في المغسله باظت ودي ب70 غير تركيبها
انا مش واد لعيب ولا سواق حريف بالعكس بسوق علي مهلي وعلي قدي في الخبره
في صوت طالع من الفتيس في واحد قالي دي الاسطوانه عايزه تتغير
وعايزه تترش من بره هي فابريكه بس مخرشه شويه
الاستفسار :
ابيع العربيه دي لاني بصراحه اتعقدت من كتر الوقفه عند الصنايعيه ولا اظبط فيها تاني واجيب الحاجات دي وخلاص
ولااااا اجيب 128 ب11 الي 15موديل قديم والي هصرفه عليها هو فرق التمن اظبطها بيهم
او اي حاجه في حدود المبلغ ده تستحمل مشوار 100 كيلو يوميا
وان كانت ممكن ازود 10 تاني فوق تمن دي (البلونيز)اجيب ايه حاجه قطع غيارها بسيطه ورخيصه

رد: محتاج مساعده اهل المنتدي انا جديد خالص
 

العربيه اتعرضت للبيع
واتفصلت ب19 بس كده حراااااااااام
انا صارف عليها حوالي 3000جنيه ده غير الرخصه 3 سنين
ومحدش عبرني هنا خاااااااااااااااااااااااا ااااااالص وقالي اعمل ايه

رد: محتاج مساعده اهل المنتدي انا جديد خالص
 

عذرا يا باشا اكيد الخبراء حيبتدوا يردوا معلش
بس افهم من كلام حضرتك انك بتكلم فى 29 الف جنيه
عن تجربة الريجاتا رائعة
و لو تقدر تحط المبلغ مقدم و تجيب زيرو يبقى افضل بكتيير

رد: محتاج مساعده اهل المنتدي انا جديد خالص
 

وانا كمان من رايك يااحمد مقدم لعربيه زيرو وبلاش عك العربيات القديمه والميكانيكيه
وبعدين دول 100 كيلو كل يوم مش حاجه هينه يعنى

رد: محتاج مساعده اهل المنتدي انا جديد خالص
 

متجيبش 128 لأنها اصغر من البولونيز و هتحس بفرق فى الحجم و الراحة و مفيش سيارة مفيهاش أعطال خاصة و ان معظم الأعطال التى ذكرتها بسيطة و متكررة فى جميع السيارات حتى الجديدة.
حاول دائما تحافظ على الصيانة الدورية, و هات قطع غيار أصلية بقدر الامكان هتلاقى انو معدل الأعطال قل بشكل كبير.
لو عايز تبدل السيارة هات 131 او 132 او ريجاتا خاصة الريجاتا لأنها جيدة الصنع و مريحة و اعطالها أقل من البولونيز.