مصر موتورز مجتمع السيارات - مشكلة فى الشكمان ...محتاج حل ضرورى

السلام عليكم ورحمة الله وبركاته

من كام يوم كنت عايز اروح اظبط تكيهات وكاربراتير ... فالناس قلولى بص على الشكمان الاول !!! قلت ماشى

المهم رحت اشيك على الشكمان لقيت كذا واحد بيقولى نفس الكلام ...

1- اغير العلبة الاخيرة علشان بتنفس.
2-اغير العلبة الى قبليها علشان مكتومة.
3-المشترك الى عند المانيفول واخد خبطة ولازم يتلحم.

مع ان الشكمان صوته مش عالى ولا حاجة بس بصراحة كانت درجة الحرارة كذا مرة بتزيد عن ال90 فى ماشوير صغيرة.

المهم الناس قلوليى العلبة الواحدة تعملها 60 جنيه تقريبا !!! يعنى 120 جنيه العلبيتن .

فى اتنين صنيعية قدامى:
1- هياخد 70 جنيه والناس كلها بتشكر فيه والميكانيكى والعفشجى بتوعى هما الى قالولى عليه.
2-واحد تانى هياخد 40 جنيه ... بس معرفش ايه ظروفه.

المهم :- دى اول مرة ادخل فى حوار الشكمان فهل فعلا تكلفة العلبة 60 جنيه ؟
واختار انهى صنايعيى من الاتنين علشان اشتغل معاه ؟