|
الباور كل ماأعمل حاجه تتطلع حاجه تانيه
السلام عليكم ورحمة الله وبركاته
دلوقتى أنا معايا عربيه كيا سيفيا موديل 99 و كان فيها مشكله فى الباور وروحت لواحد جنبنا هنا على السمعه و الموضوع أنها فى الأول كانت مجرد ماأحط زيت الباور ينزل على من عند الأسكاتره و رحتله و عملها طقم أصلاح و أتكلف 400ج و بعد كده خرجت بالعربيه عادى مفيش مشاكل و بعديها بحوالى أسبوعين حصل أن لقيت الزيت بينزل تانى رجعلته قالى أن الخرطوم اللى واصل للأسكاتره ضرب و عايز يتغير و يتكبس من جديد و عملته واتكلف 200ج اللى حصل دلوقتى أنى كنت فى مشوار والعربيه تلتت فببص على الموضوع ده لقيت أن زيت الباور بيطلع من عند الخزنه بتاعته المهم رحتله قالى دى من الطرمبه أنا كنت عارف أن الطرمبه كان فيها مشاكل وهو قايلى أنها ضعيفه و صوتها كان أوى غير الأول كان بيبان الزنه بتاعتها وانا بكسر الدريكسيون بس دلوقتى بقى ظاهر على طول وبيزيد أوى وأنا بكسر و هو كان قالى أنى مش هقدر أقلك على اللى فيها غير لما أحلها وأشوف أذا كان ينفع تتصلح ولا لأ المهم أنا لسه راجع من عنده وبيقولى أنها مش هتنفع و الطرمبه الأستيراد عنده عامله 350ج لو جديده بتعمل 650ج والمشكله انى مش فاهم حاجه فعايز المشوره و ملعش طولت عليكم.. <!-- / message --><!-- مواضيع العضو بوست بت --> |
رد: الباور كل ماأعمل حاجه تتطلع حاجه تانيه
كلامه صح! - انت عملت طقم اصلاح الاسكترا فين ؟؟- ...الصوت من الطرمبه بسبب انها ضعيفه , غيرها و لو استيراد يبقى احسن - بس تقوله على التجربه ..يعنى لو مش شغاله ترجع - او تجيبها جديده بس الاستيراد غالبا بيكون افضل و هتعيش معاك بشرط تكون سليمه ...وأهم حاجه تاخد بالك من الزيت لانه لو نقص ومشيت بالعربيه ممكن الطرمبه الجديده تبوظ و تعمل زى القديمه ...يعنى ببساطه وانت بتزود ميه فى العربيه ابقى شوف مقاس البور وتابعه و عند سماع اى صوت فى البور معناه ان الزيت ناقص ...تشوف السبب مباشره و متمشيش بالعربيه قبل ما تصلحه ..و لو مضطر تمشى بيها يبقى شيل سير البور - عشان الطرمبه متشتغلش - لغايه ما تصلحها ....., تحياتى
|
رد: الباور كل ماأعمل حاجه تتطلع حاجه تانيه
شكرا يا باشا على ردك وأنا عملت طقم الأصلاح عند واحد جنبنا هنا فى عين شمس فى شارع أحمد عصمت
وهيغير الطرمبه بواحده أستيراد من عنده و فى جزئيه أنا مش فاهمها أشيل سير الباور أزاى و عندنا الباور ملوش سير لوحده ده بيبقى معاه حاجه تانيه |
رد: الباور كل ماأعمل حاجه تتطلع حاجه تانيه
يعنى مينفعش تشيل سير البور لوحده ! يبقى تغير الطرمبه و عند اى صوت او ملاحظه تسريب زيت ترجعله يشوفها على طول ..اللى عملتها عنده اسمه ابو النيل امام مدارس انجلش سكول ؟!
|
رد: الباور كل ماأعمل حاجه تتطلع حاجه تانيه
لا ده اسمه محمد الأبيض و قدام مدرسة مودرن سكول أحمد أعصمت
|
| الساعة الآن 08:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017