مصر موتورز مجتمع السيارات - مراكز صيانة JAC قريبه من الغردقة

الأخ العزيز الاستاذ خالد
بالنسبه للجاك b15 للحقيقه هى سياره لم اجد بها عيب واحد حتى الان سواء أنا أو من صادفتهم فى التوكيل أو زملائى هنا فى المنتدى غير واحد فقط سمعت منه شكوى وهو زميلنا هنا فى المنتدى إشتكى من مكنه الزجاج باظت وغيرها فى التوكيل فى الاسكندريه على حساب التوكيل ....غير كده لم يشتكى من السياره أحد
بالنسبه للتوكيل أنا معاك أنه توكيل فاشل فى عدم عمل دعايه للسياره وتسويقها وشراء كميات كبيره منها وعرضها فى المعارض ....ولما بنسأل فى كده بيقولوا الثوره وظروف البلد .
إنما من ناحيه قطع الغيار فكلها موجوده فى التوكيل وهذا أنا تأكدت منه بنفسى وأنا بعمل صيانه .
بالنسبه لعدم وجود مراكز خدمه تانيه غير المركز الرئيسى فده بعتبره عيب خطير ولو كنت اعلم ذلك قبل شراء السياره ماكنت إشتريتها للأمانه .
أنا لما إشتريت السياره أول حاجه سألت عليها مراكز الخدمه وكان هناك مركزخدمه كوين سرفيس كان تابع للتوكيل كنت بأعمل فيه صيانه وكان مركز ممتاز صراحه وقريب منى جدا بجوار الكليه الحربيه فى شارع الثوره خصوصا انا عندى شقه فى مدينه السلام فكان المشوار بالنسبالى حوالى ربع ساعه وبعد الغاء التعاقد مع مركز كوين سرفيس ....مشوار 6اكتوبر كان سفر تانى بالنسبالى لكن بحمد ربنا إن الصيانه كل 10 الاف ودول بعملهم كل 6شهور تقريبا أو أكثر ..
عموما الجاك هى لانسر 2007 على ماأعتقد كل قطع غيار اللانسر 2007 بتمشى معاها .......أنا زميلى عنده لانسر وفتحنا كبوت العربيتين لقينا كل حاجه هنا هى هنا حتى السيور والخراطيم وباقى الاجهزه نفس المقاس وفى نفس الاماكن بالضبط .
لكن نصيحه لو انت قلقان من العربيه متجبهاش ولو قلقان من التوكيل برده متجبهاش ولو قلقان من عدم انتشار العربيه برده متجبهاش .....فلوسك فى جيبك ومتبتش يوم قلقان .....................تحيا تى ليك