رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
 

مداخله بسيطه أكيد طبعا غلطه مطبعيه بس عشان الشباب متتلخبطش هوه الصح

350 كجم/م3 ممكن يزيد احيانا ل 400 كجم/م3
لأنها وزن على حجم مش طول على حجم

أنا معماري برضه وخبرتي في الخرسانات على قدي لأن شغلي الأساسي تصميمات وتشطيبات والخرسانات في أي موقع تصميمها مش من مسؤلياتي أنا أعرف أقرأ لوحة إنشائي وأستلم الشده والحديد (التقفيصه) وأعمل تفريده بس أصمم لأ طبعا

المشكله إن السوق اليومين دول نايم نومه جامده والناس مستنيه الحديد ينزل تاني بس أوعدك الشغل حيرجع زي الأول وأكتر أول ما الحديد يبدأ يغلى بشكل متطرد ..... حتلاقي الناس طلعت القرشين إللي تحت البلاطه وجري عايزين يبنوا قبل ما الحديد يغلى أكتر
سوق عجيب مالوش دعوه لا بأزمه ماليه ولا أزمه بتنجانيه الإشاعه هيه اللي بتحرك السوق وتوقفهptmnlo123per195

رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
 

رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
 

هي مش غلطه مطبعيه اوي على اد ما كانت سهو ...
اصلي بكتب في منتدى سيارات فكتبت كم بدل كجم ...
كويس اني كتبت م3 و مكتبتش س
بس معتقدش حد من الشباب اتلخبط .... و الا كانو سألوني السرعه القصوى للخرسانه كام ... ههههههههه

المفروض ان سعر الحديد مرتبط بالاسعار العالميه و بمان ان الدنيا كلها في انخفاض فالمفروض ( المفروض دي كلمه مش معروفه في مصر ) ان اسعار الحديد تستقر لفتره على الاقل لسنه 2009
والله اعلم

رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
 

أنا عندي 33 سنه وماسمعتش في مصر أبدا كلمة تراجع أسعار شئ إلا بعد الأزمه الإقتصاديه ديه والتجار صعبان عليهم قوي كلمة نزول الأسعار ويفضلوا يمهدوا للموضوع ده بتاع نزول سعر سلعه بتاع شهر أهوه يبقى كسبوا شوية وقت من الأسعار الغاليه ويمكن ربنا يسهل والأسعار العالميه ترتفع في خلال الشهر ده ويبقى يادار مادخلك شر وبعد تمام الشهر والحالة بره تسوء أكتر والأسعار تتدهور أكتر يبدأو ينزلوا الأسعار في شكل إنهم عاملين أوكازيون (يعني فتره محدوة وكل شئ يرجع لأصله) مع العلم إن هوه ده السعر إللي مفروض ينزلولوا أصلا بس على مين إحنا المصريين ، والأوكازيون ده برضه لمدة شهر كمان عشان ياخدوا نفسهم يمكن ترجع الأسعار العالميه ترتفع في خلال الشهر بتاع الأوكازيون ويبقى يادار مادخلك شر ، وده كله عشان يرسخوا في دماغ الناس إن الأسعار اللي إنتوا شايفنها ديه أسعار أوكازيون محدود المده مش سعرها الحقيقي وكل شئ حيرجع تاني بعد الأوكازيون ، فيخلص شهر الأوكازيون يقولك ده الأسعار العالميه إنخفضت بنسبة 10% وهيه ديه نسبة الإنخفاض إللي من ثلاثة أشهر بره في حين إن الأسعار نزلت بره في خلال الشهرين دول بتاع 40% فيبقوا بكده برضه قلللوا نسبة خسائرهم
في حين إن لو كانت الأسعار بتطلع بره في نفس اليوم ... لأ في نفس الساعاه لو طلعت بره 10% تطلع عندنا بنسبة 20% طبعا عشان العمله إللي مش صعبه والجمارك والضرائب وهاتك ياحجج
من الآخر طلوع الأسعار ثقافة سهلة الفهم على السوق المصري وطبيعيه للمستهلك بهذا السوق
لكن إنخفاض الأسعار ثقافه غير مقبولة لدى السوق المصري ولا للأسف لدى المستهلك أيضا بهذا السوق

رد: رشيد : الحكومة لن تحمي التاجر إلا بعد التزامه بخفض الأسعار
 

ptmnlo123per1147والله يا جماعه مش عارفيين مين بس الى هيقف جنب المواطن الغلبان يا عم دول كل بتوع الحزب الوطنى عمرهم ما بيفكروا فى مصلحه المواطن الغلبان كلهم بيعملوا حساب بعض بس ربنا يسترها على المواطن الغلبان من الحيتان المفتريين ربنا جنب الغلبان ديما ptmnlo123per1126