مصر موتورز مجتمع السيارات - ارشيف احداث عام 2009

مصر موتورز مجتمع السيارات (https://www.masrmotors.com/vb/index.php)

- الاخبار المحلية (https://www.masrmotors.com/vb/forumdisplay.php?f=74)

- - ارشيف احداث عام 2009 (https://www.masrmotors.com/vb/showthread.php?t=4611)

رد: أول حوار مع الطبيب المصري* ‬المسجون في* ‬السعودية

كلام موزون و عاقل دائما يا سيد ماجيك
شكرا للافاده

رد: أول حوار مع الطبيب المصري* ‬المسجون في* ‬السعودية

المشكله في القضايا اللي من النوع ده ان الامور بتختلط ببعضها ... الحقيقه بالاكاذيب و المبالغات و التهويل بالتهوين
فالواحد بيبقى زي التايه ... زي موضوع الولد اللي قتل البنتين في الشيخ زايد ... مش ممكن كميه الكلام و التناقض
وزي قضيه سوزان تميم .... الانتخابات و التزوير .... قضيه ايمن نور ... مركز ابن خلدون ... وطبعا قضايا الاخوان او حسام ابو الفتوح ... وما خفي كان اعظم ..
1 - وده نتيجه ان صحف بتبقى عايزه تزود مبيعاتها ... فتقول اي كلام
2 - او وسائل اعلام متبنيه اتجاه معارض او داعم للحكومه فتدافع عن الاتجاه اللي متبنياه بأي شكل ... تهويل الامور ... تحوير الحقائق .. تلاعب بالالفاظ ....
3 - جهات مسئوله بتحاول تخفي مسئوليتها او تموت القضايا ... يمسكو اي حد و يخلوه يعترف و يبعتوه للقضاء و خلاص على كده زي سفاح بني مزار

انا ميال لتحليل ماجيك تاتش ... و حاسس ان الدكاتره دول اكيد كانو عاملين مصايب بغض النظر كانت ايه او ملابسات القضيه ايه بالظبط ... زي ما حد يعمل مشكله فيلفقوله قضيه تانيه خالص علشان يخلصو منه

لكن مقدرش اجزم الشك باليقين
وعلى رأي زميلي العزيز احمد انور:- اين الحكيكه

رد: اليوم .. انتهاء استيراد السيارات بمنطقة بورسعيد الحرة

اصدرت الحكومة مؤخرا تعديلات علي القرار الجمهوري بمد العمل بالمنطقة الحرة في بور سعيد لمدة ثلاث سنوات
ونصت التعديلات علي تخفيض قيمة الواردات الي بور سعيد بشكل تدريجى ويبدو ان قرار البدء بالسيارات كان من بين هذه التعديلات وذلك بالطبع يأتي في اطار حرص الحكومة علي (خراب بور سعيد)التى تكن الكراهية (---------------)

رد: اليوم .. انتهاء استيراد السيارات بمنطقة بورسعيد الحرة

يا رجالة ...اسمعوا الكلام اللي فيه الفايدة
قرار منع إستيراد العربيات اللي وراه الناس بتوع المرور و المجلس المحلي علشان حالة التكدس اللي ظهرت في شوارعنا ....بورسعيد فيها حوالي 37 الف سيارة منطقة حرة غير الملاكي و التاكسي و الميكروباص...مش عارف أوصفلكم وضع البلد ساعة خروج المدارس أو الموظفين...بس أعتقد كلمة "شلل كلي" هي الوصف المناسب...لذلك كانت توصيات المرور للمجلس المحلي و الجهاز التنفيذي للمنطقة الحرة بعدم إستيراد السيارات برسم المنطقة الحرة....و حاليا يتم صياغة القرارات التي تحدد مصير ال 37 الف عربية المنطقة الحرة....في كلام إن يتم تقسيط رسوم الجمارك على موديلات معينة و في كلام على إعفاء الجمارك على جميع السيارات و في كلام إنه يستمر العمل بالنظام الحالي "الدفتر" لحين إستهلاك سيارات المنطقة الحرة بعد عمر طويل إنشاء الله .....ويا خبر بفلوس بعد أسبوع يبقى ببلاش

رد: أول حوار مع الطبيب المصري* ‬المسجون في* ‬السعودية

اقتباس:

المشاركة الأصلية كتبت بواسطة Magic_touch (المشاركة 18998)

1 - الطبيبين مثال سيء للطبيب المصرى كلاهما كان يبيع الحقن المخدرة واحدهم كان يتباهى بانه له علاقات بالامراء وان الامراء يتلقون المخدرات منه وانهم يحمونه

2 - الطبيب الاخر عجبته اللعبة فاتى بالحقن المخدرة من مصر مع احد العمال وتم ظبط العامل الذى قال انها تاتى للدكتور

3 - كلا الطبيبين يبعان الحقن المخدرة ب 2000 ريال وطبعا العميل الاول لهم فى السعودية الاغنياء والامراء خصوصا

4 - سبب القضية يعتبر فضيحة للسعودية فالمراءة التى يتم التكلم عليها هى الاميرة مها السديرى زوجه الامير نايف وهى مدمنه فى الاساس وتتمتع بسوء الخلق ومتجبرة لأعلى الحدود
وانتقم الله منها بهذة الفضيحة وهى نهاية كل ظالم فقد نال جبروتها الكثير من البشر فى السعودية

5 - عندما وصل الامر للامير نايف اخدته الكرامه ونخوة الشرف لان زوجته المعتادة على الادمان انتشرت رائحتها وبدل من التغطيه على تلك الفضيحة اخذته العزة بالاثم وقام بتوجيه الامر لتلبيس الطبيبن عده تهم اخرى خاصة انهم مصريين ولن يحميهم احد لاحكومه ولا احد وهنا ايضا لابد ان يعرف كل امير عمره 80 عاما ان زواجه من امرة تصغير ب 40-50 عاما ستخونه باى حال من الاحوال

6 - تم الحكم على الطبيبن وهم مذنبون فعلا فكلاهما كان جشع جدا يكفى ان احدهم حول الى مصر من ارباحه من تجارة المخدرات ما يقرب من 4 مليون جنيه ولكن الجشع وحب المال الحرام ملى قلوبهم واغترار احدهم بعلاقته مع الامرء ولم يعلم هذا الساذج ان الامراء متقلبون كا الاطفال والمحتمى بهم مفضوح وفى ا لحظه يتم الغضب عليم ويكفيهم حمدا لله انه لم يتم قتلهم كالعادة وبسهوله فقدر ولطف كان زمانهم مرميين تحت زازنه اى قصر وماتوا من الجوع لكن شهوة الانتقام الغبية اتت بعكس المرغوب منها فصار فضيحة ملكيه وتستمر الفضيحة وتنتشر باستمرار حبس الطبيبين

طيب احب اعرف حضرتك وصلت للمعلومات دى منين , لان على حد علمى كلام حضرتك اول مرة اسمعة الحقيقة , و لم ينشر من قبل , و هناك تناقض واضح فى الكلام .

-طيب لما هو حدث خلوة شرعية , اثبتوها ازى دى , من غير اربع شهداء و من غير ادلة , ولا الادلة سر حربى .
_ و فين كلام الشهود فى القضية يعنى كل الاتهمات دى و كل البلاوى دى و مافيش شاهد واحد يوحد ربنا, يعنى معقولة احكم على طبيبين ب 15 سنة سجن و ب 1500 جلدة لكل منهما , بدون شهادة شهود , ولا شهادة الشهود سر حربى برضو .

-بصراح الكلام متناقض , و اذا كانو بيتباهو بعلاقتهم بالامراء ازى حصل فيهم كدة , دة لو كان امير واحد تدخل كان الموضوع خلص من زمان .

- الحقن اللى حضرتك بتتكلم عليها قال عنها الدكترة المصريين انها حقن للعلاج و بتباع عادى فى مصر بدون اى قيود وليس عليها اى مشاكل ,

و اعتقد الامراء يعنى مش حيغلبو لو عاوزين يخدو مخدرات , عندهم الف طريقة و طريقة , مش ممكن يكون طبيبين هما المورد للمخدرات فى المملكة .

كلام حضرتك يحتاج لكثر من الادلة , الا اذا كنت على علاقة شخصية بقى باحد الامراء و حكى لك الموضوع زى ما بتقول كدة مع وجود ادلة على الكلام , انما النقل القصة من الطرف السعودى بشكل مباشر كدة , اكيد حيكون فى مغلطات كثيرة و محولات لتشويه سمعة الطبيبين لان واضح غرض الانتقام من البداية .

-و بعدين اية حكاية الزنزانات الى فى القصور دى , هو فى زنزانات فى قصور السعودية , دى جديدة بصراحة , اول مرة ا سمعها فعلا , دى بجد الحكاية دى ولا صغية مبالغة تقصد .

- عموما انا مش مع الطبيبين ولا انا ضدهم انا بس محتاج انى اشوف قضية عادلة واضحة المعالم ,هو دة اللى يهمنى , انما تلفيق تهم و اصدار احكام كدة هو دة الى مش مفهوم و كان محتاج كتير من التوضيح و الاثبات , انما حتى الان الجانب السعودى متكتم بخصوص الموضوع و هو ما ياكد ان فى حاجة مش مضبوطة فى الحكم و فى القضية من بدايتها خالص , ويدعم برائة المتهمين بشكل اكبر .