تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز
 

بسم الله الرحمن الرحيم

السلام عليكم أخوتى الأعضاء، :THE_PR~18:

طبعا زى ماهو باين من العنوان أنا غيرت الزيت اللى قعد فى العربية 33 ألف كم مع إنه معدنى يا متعلمين يا بتوع المدارس على رأى سعيد صالح :smileW4:وده ناتج عن إقتناعى بموضوع كذبة ضرورة تغيير الزيت وتأكدت فعلا من صحته و إنه مفيش حاجة اسمها زيت يقعد 3 ألاف كم و 8 ألاف و الكلام الفاضى بتاع التوكيل اللى عمرى ما اتعاملت معاه ده مع العلم إن ناس كتير قالولى على الزيت بتاعى مفروض أغيره بعد 8 ألاف و قد قمت بتغييره فى المره الأولى بعد 13 ألف و نزل زى الفل و زى مايكون زيت جديد بكامل لزوجته اترمى فى الأرض وندمت.

بس قررت مقعدهوش الفتره ديه تانى هخليها 20 أو 25 ألف كم و العربية الان عامله 55 ألف كم ، الزيت هو Misr1 معدنى SL API 20w-50 من إنتاج مصر للبترول ،الصراحة الزيت ده بتستعمله منذ قديم الأزل و مازلت أستعمله لجودته الفائقة ،و غيرت فلتر الزيت معاه لثانى مره.

المهم بعد الزيت ما نزل لقيته أسود من السواد و ده شئ طبيعى عشان الحرق و كان لسه فيه بعض اللزوجه و الميكانيكى قالى الزيت كان ناقص كتير من الموتور بس أنا كنت قايلوا يخزنلى الزيت القديم فى الجركن و هو 4 لتر و لما بصيت عليه لقيته مليان أكثر من 3/4 فاستغربت وقولت زيت ايه ده اللى كان ناقص و لحد قبليها بيوم واحد العربية كانت ماشيه 170 و صوت الماتور كان ناعم ومحستش بأى حاجة خارقة للعادة.

بس أنا لاحظت حاجة إن عداد الRpm و العربية واقفه بيفضل طالع نازل على الشرطة بتاعت ال1 و مبيزدش عنها مع إنه قبل تغيير الزيت كان بيطلع وينزل عليها و بدون ما يقل عن الشرطه بتاعت 1 و عموما هى مش مشكله :waving: .

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز
 

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز
 

ههههه الله يبارك فيك :CHUBBY~36:
ماهو أنا لقيت اللى هنا محسسين على عربياتهم و ملتزمين بتعليمات التوكيل قولت أجرب بنفسى و فعلا نجحت التجربة و الزيت ده سعره 95 ج الجركن 4 لتر بس حقيقى ممتاز جدا .:fun_36_3_16[1]:

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز
 

زيت معدني
وتشغله 33 الف كم

:sycho26:

منك لله يا ظالم

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز
 

ربنا يحميك ويحمى العربية

أولا الموتور أجزائه مكونة من سبائك معدنية

والزيت لما بينتهى عمره بيبقى الموتور بياكل فى نفسه

ومش معنى ان الموتور اتحمل تأخير غيار الزيت مره

إنه لم يتأثر ولكن النتيجة بتبقى تراكمية

فبرجاء تغيير الزيت فى مواعيده

وده رأى الخاص ولك مطلق الحرية

تقبل تحياتى