|
الحمد لله استلمت الانوس 2013 واليكم التقرير والصور
السلام عليكم
انا استلمت العربيه الجمعه من سمير ريان وكان اختيارى للانوس محسوم بعد التفكير والمقارنه بينها وبين الفيرنا واللوجان و pyd اولا الفيرنا ضيقه خصوصا من ورا انا جربت وقعد فى الكنبه الخلفيه ولانى طويل راسى كنت خابطه فى السقف واللوجان معجبنيش شكلها هى مساله ازواق وكمان موضوع زراير الزجاج الى فى الطابلوه رخم قوى وقطع غيارها غاليه وبالنسبه للـ pyd هى عربيه كويسه جدا لكن عيبها الوحيد بالنسبه لى ان اسمها صينى المهم العربيه استلمتها وكانت عامله 49 كيلو وتممت عليها كويس بعد الغسيل التكيف والانوار والمسحات والمريات ولانى روحت المخزن وفرزت العربيات هناك لحد مخترت الى تعجبنى فوقت الاستلام كان كله تمام هى مكنش فيها بنزين فاول مخرجت من المعرض فولتها وهتكلم باختصار عن العيوب والمميزات من وجهه نظرى اولا المميزات ... العربيه واسعه خصوصا فى الخلف العفشه كويسه مش طريه ولا ناشفه التكيف جيد وخصوصا مع الفاميه الخلفى ارتفاعها عن الارض معقول مع الاوزان المتوسطه سحبها انا راضى عنه جدا لان الانوس عايزه الى يفهما علشان يعرف يجريها وميخنقهاش ويرجع يقول دى بطه بلدى واصلا العيب فيه هو كمليتها حلوه قوى على اد سعرها ثانيا العيوب ... مقاس الجنط صغير على حجم العربيه كان المفروض تنزل بـ 14 بتحك فى المطبات لو مركب اوزان كبيره التكيف بياثر على السحب بشكل ملحوظ قوه النور الامامى مش حلو فى بعض الاجزاء البلاستك خامتها وحشه بتيجى بريموت واحد مش عارف ايه وجه التوفير فى كده نيجى بقى للصور واى استفسار انا تحت امركم http://www.youtube.com/watch?v=36oTm2EWzpQ |
رد: الحمد لله استلمت الانوس 2013 واليكم التقرير والصور
الف مبروككككككككككككككككككككك ككككككككككك وربنا يحافظلك عليها ويكفيك شرها :fun_36_1_39[1]::fun_36_1_39[1]::fun_36_1_39[1]::fun_36_1_39[1]::fun_36_1_39[1]::fun_36_1_39[1]:
|
رد: الحمد لله استلمت الانوس 2013 واليكم التقرير والصور
مبروك يابرنس ربنا يديك خيرها ويكفيك شرها وبالنسبه لموضوع السرعه جابت معايا 180ك وبالنسبه للريموت حضرتك كنت متابع معايا قد إيه أنا إتمرمطت علي ما عملته وياريت تقولي ريموتها طلع وولف ولا جوفي ترونيكس وعربيتي كنت بحطلها زيت موبيل1 ونصحني الأستاذ عصام بزيت شل وفعلاً طلع بيهدي صوت الموتور والميه الخضرا أهم شيء وكمان كل فتره بص عالبطاريه ممكن تحتاج تتزود بميه مقطره وبالنسبه للعجل إملاه نيتروجين أفضل من الهوا تقبل تحياتي
|
رد: الحمد لله استلمت الانوس 2013 واليكم التقرير والصور
الف الف مبروك
اللانوس ............... الصديقة الوفية للموظف اللى زيى حلاتى |
رد: الحمد لله استلمت الانوس 2013 واليكم التقرير والصور
100000000000000 مبروك
حفظك الرحمن ويسر لك طريقك |
| الساعة الآن 08:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017