مصر موتورز مجتمع السيارات - مغامرات أبو كمال فى الصحارى و الجبال من الكويت لمصر

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

رد: مغامرات أبو كمال فى الصحارى و الجبال من الكويت لمصر

اقتباس:

المشاركة الأصلية كتبت بواسطة رورة (المشاركة 146039)

الله يسلم ايامك دنيا وآخرة

هو بصراحة كان اعد بيقرا معايا ومبسوط اوي من كلامك لأنه حس انك اقنعتني وكنت منشفة دماغي جدا
لأن انا وأطفالي موتنا خالص في العمرة وبعدها حلفت ان السفر بر مش هيتكرر تاني ابدا

بس بعد ما قريت كلامك بصراحة اقنعتني، وبردو لما اجرب الموضوع عملي اكيد هتفرق وساعتها هقدر اقرر الموضوع هيتكرر تاني ولا لأ

بصراحة انا كان نفسي هو يسافر بر لوحده وييجي بالعربية وانا واطفالي ننزل مصر طيران عالجاهزptmnlo123per122

واتحججت بأن العيال هيبهدلوه والمصاريف هتبأة هي هي لأن اطفالي صغيرين وعليهم نص تذكرة

بس هجرب وخلاص، وربنا يستر

شكرا مرة تانية وانا هسأله لو عنده اي استفسار بخصوص اجراءات السفر هخليه يكتب لحضرتك مباشرة

ربنا يكرمك يا رب و يبارك فيكى :)

يا رب بعد ما تجربوا الموضوع ماتدعيش عليا بس :)

عموما انا مش هضحك عليكى و اقولك ان الموضوع سهل او زى الطيران مريح ساعتين و خلاص

الفكرة كلها انه تجربة جديدة و فعلا شيقة والله بس هى طبعا متعبة بس مش زى السفر بتاع العمرة خالص يعنى ....
بس انتو لو اخدتوها على انها رحلة و اماكن جديدة هتشوفوها و هتعدوا عليها ان شاء الله هتبقى ممتعة جدا
اكتر حاجة متعبة هى زى ما قلت لحضرتك العقبة و نويبع و ده علشان عذاب الانتظار و الاجراءات

عموما انا معايا رقم تليفون امين شرطة فى نويبع ممكن يخلصلكوا كل حاجة و انتوا مرتاحين و ياخد اكراميته لو حضرتك تحبى ..
و كمان ممكن حجز العبارة من الكويت و فى ميناء العقبة بس يتم ختم التربتك و تأكيد حجز العبارة.. بتوفروا اجراء الحجز و تغيير العملات و كدة يعنى ...

و لعلمك زوج حضرتك هيتعب اكتر بكتير ... على الاقل علشان مجهود و تركيز السواقة و طبعا علشان هو القائد و المسئول:HAPPY_~211:
و ان شاء الله تقضوا رحلة كويسة ,, و طبعا تحت امر حضرتك فى اى استفسارات

رد: مغامرات أبو كمال فى الصحارى و الجبال من الكويت لمصر

خلاص انا هخليه بردو يقرا رسالتك دي بخصوص امين الشرطة واجراءات الحجز ومتشكرة لحضرتك جدا

وبالنسبة للسواقة مش مشكلة انا بعرف اسوق.. ممكن اسوق انا جوة المدن او في الأماكن الأقل خطورة وهو اخليه يسوق في الأماكن الوعرة

الحقيقة اكتر طريق خفت منه في الطريق واحنا رايحين العمرة كان حفر الباطن وعرعر.. وكنا بالليل
ومفيش انوار في الطريق مش عرفة ازاي، وطريق واحد بس رايح جي، وكمان جبال كنت بتخيل لو الباص اتقلب لاقدر الله احنا هنروح فين، كنت اعدة مرعوبة في الباص والكل نايم من الضلمة وانا عمالة ادعي ان ربنا يسلم.. ربنا يستر..

رد: مغامرات أبو كمال فى الصحارى و الجبال من الكويت لمصر

اقتباس:

المشاركة الأصلية كتبت بواسطة رورة (المشاركة 146051)

خلاص انا هخليه بردو يقرا رسالتك دي بخصوص امين الشرطة واجراءات الحجز ومتشكرة لحضرتك جدا

تحت أمر حضرتك

وبالنسبة للسواقة مش مشكلة انا بعرف اسوق.. ممكن اسوق انا جوة المدن او في الأماكن الأقل خطورة وهو اخليه يسوق في الأماكن الوعرة

الحقيقة اكتر طريق خفت منه في الطريق واحنا رايحين العمرة كان حفر الباطن وعرعر.. وكنا بالليل
ومفيش انوار في الطريق مش عرفة ازاي، وطريق واحد بس رايح جي، وكمان جبال كنت بتخيل لو الباص اتقلب لاقدر الله احنا هنروح فين، كنت اعدة مرعوبة في الباص والكل نايم من الضلمة وانا عمالة ادعي ان ربنا يسلم.. ربنا يستر..

هههههههههههههههههههههه... ماتقلقيش حضرتك كله بتاع ربنا

هو عموما مفيش جوة المدن ,, انتو بس بتعدوا على المدن من برة .. و بتبقى الاستراحات و المطاعم غالبا على الطريق اللى بتعدوا عليه....
بس فيه اجزاء من الطريق بتبقى زوجية يعنى حارتين تلاتة رايح و زيهم جاى و فاصل رملى فى النص طبعا و دى طبعا مريحة جدا فى السواقة ... و فيه برده اجزاء فردية (رايح جاى ) زى حفر الباطن بس مش مكسرة و الحارات اوسع يعنى تاخد عربيتين جنب بعض و عموما الجزء بتاع حفر الباطن ده من اوحش الاجزاء فى الطريق ... و للأسف الطريق كله مافيش اضاءة بس فيه عين القطة فى الارض بتسهل المشى عليها كتير بالليل و يستحسن لو تركبوا اضاءة زنون فى العربية لو اضاءتها عادية..
و عموما برده ممكن قبل السفر اراجع معاكم الطريق كله بمراحله المختلفة علشان تبقوا متطمنين بإذن الله

الرد فى الاقتباس

رد: مغامرات أبو كمال فى الصحارى و الجبال من الكويت لمصر

الف حمد لله على السلامة نورت مصر

رد: مغامرات أبو كمال فى الصحارى و الجبال من الكويت لمصر

اقتباس:

المشاركة الأصلية كتبت بواسطة ysedawy (المشاركة 146476)

الف حمد لله على السلامة نورت مصر

الله يسلمك يا رب ,, الف شكر لحضرتك